Agjencia e Kosovës për Akreditim (AKA) ka pasur nderin të jetë pjesë e numrit të fundit të Revistës së Rrjetit të  Agjencive të Sigurimit të Cilësisë në Arsimin e Lartë të Evropës Qendrore dhe Lindore (CEENQA) për vitin 2024, ku një artikull i veçantë thekson transformimin digjital të procesit të akreditimit dhe përkushtimin për cilësi në arsimin e lartë.

Artikulli përshkruan kalimin inovativ të AKA-së drejt një platforme të digjitalizuar për proceset e akreditimit, duke rritur efikasitetin dhe transparencën në arsimin e lartë. Ky hap përfaqëson një transformim të rëndësishëm që fuqizon sistemin e akreditimit dhe përafrohet me praktikat më të mira ndërkombëtare.

Ky publikim është një dëshmi e rëndësisë së rritjes së shtrirjes ndërkombëtare të AKA-së dhe angazhimit të saj për të ndarë përvojat dhe praktikat e mira me komunitetin më të gjerë të sigurimit të cilësisë.

AKA ka lansuar një platformë të avancuar digjitale për të transformuar procesin e akreditimit në institucionet e arsimit të lartë (IAL). Platforma e-Akreditimi, e mbështetur nga Projekti HEI25 dhe e financuar nga Agjencia Austriake për Zhvillim (ADA), u lansua zyrtarisht më 1 korrik 2024, duke shënuar një hap të rëndësishëm modernizimi.

Për më shumë detaje mbi këtë arritje dhe për të lexuar artikullin e plotë, ju ftojmë të vizitoni CEENQA Newsletter 2024.