AKA zhvilloi takimin e rregullt vjetor me drejtuesit e institucioneve të arsimit të lartë
Më 24 shkurt 2025, Këshilli Shtetëror i Cilësisë (KSHC) dhe drejtuesit e Agjencisë së Kosovës për Akreditim (AKA) zhvilluan takimin e tyre të rregullt vjetor me përfaqësuesit e institucioneve publike dhe private të arsimit të lartë në Republikën e Kosovës. Ky takim, i ndarë në dy seanca të veçanta, kishte për qëllim diskutimin e çështjeve kryesore të akreditimit, sigurimit të cilësisë dhe planeve strategjike të AKA-së për të ardhmen.
Në takim morën pjesë rektorë, dekanë dhe udhëheqësit e zyrave të cilësisë të institucioneve të arsimit të lartë (IAL), të cilët u informuan mbi zhvillimet më të fundit në fushën e akreditimit dhe sigurimit të cilësisë. Ky është një aktivitet i përvitshëm, përmes të cilit AKA siguron një dialog të hapur me institucionet akademike për të ndarë përvojat, për të adresuar sfidat dhe për të identifikuar hapat e ardhshëm për përmirësimin e cilësisë në arsimin e lartë.
Kryetarja e KSHC-së, profesoresha Hasnije Ilazi, falënderoi drejtuesit e IAL-ve për bashkëpunimin e tyre të vazhdueshëm me AKA-në dhe për përpjekjet e tyre në ngritjen e cilësisë në arsimin e lartë. Ajo theksoi rëndësinë e partneritetit mes institucioneve të arsimit të lartë dhe AKA-së për të siguruar që reformat dhe përmirësimet në sistemin e akreditimit të kenë ndikim pozitiv dhe të jenë të qëndrueshme.
Profesoresha Ilazi njoftoi gjithashtu se AKA ka kompletuar bazën ligjore dhe rregullative që derivon nga Ligji për Agjencinë e Kosovës për Akreditim. Ajo bëri të ditur se është iniciuar zhvillimi i Strategjisë së AKA-së për periudhën 2026-2031, duke i ftuar përfaqësuesit e IAL-ve që të angazhohen në grupet punuese dhe të kontribuojnë në hartimin e kësaj strategjie pesëvjeçare, e cila do të jetë thelbësore për të ardhmen e arsimit të lartë në Kosovë.
Përfaqësuesit e IAL-ve e vlerësuan AKA-në si një institucion bashkëpunues, transparent dhe gjithëpërfshirës. Ata shprehën gatishmërinë e tyre për të bashkëpunuar më tej me AKA-në në përmirësimin e proceseve të akreditimit dhe sigurimit të cilësisë. Gjatë diskutimeve, ata dhanë sugjerime konkrete mbi mënyrat e përmirësimit të proceseve të vlerësimit, duke theksuar rëndësinë e një metodologjie më fleksibile dhe të përshtatshme për kontekstin e institucioneve të ndryshme akademike.
Ndër të tjera, u diskutua edhe mbi rëndësinë e mbështetjes institucionale për zhvillimin e stafit akademik, avancimin e metodave të mësimdhënies dhe kërkimit shkencor, si dhe rritjen e ndërkombëtarizimit të institucioneve të arsimit të lartë.
Takimi u karakterizua nga një pjesëmarrje e gjerë dhe përfaqësimi i lartë institucional. Përveç kryetares së KSHC-së, në takim morën pjesë edhe anëtarët e KSHC-së, profesori Gëzim Tosuni dhe profesori Avni Berisha, të cilët ndanë perspektivat e tyre mbi përmirësimin e procesit të akreditimit dhe sigurimit të cilësisë.
Nga ana e AKA-së, në takim ishin të pranishëm Drejtori i Përgjithshëm, Naim Gashi, dhe drejtori për Vlerësim dhe Akreditim, Arianit Krasniqi, të cilët informuan përfaqësuesit e institucioneve të arsimit të lartë mbi proceset aktuale dhe reformat e planifikuara në kuadër të AKA-së.
Në përmbyllje të takimit, u konfirmua përkushtimi i përbashkët për avancimin e cilësisë në arsimin e lartë dhe për ndjekjen e standardeve më të mira ndërkombëtare. AKA do të vazhdojë të punojë ngushtë me institucionet e arsimit të lartë për të përmirësuar më tej proceset e akreditimit dhe sigurimit të cilësisë, ndërkohë që do të angazhohet për të përfshirë të gjithë aktorët relevantë në hartimin dhe zbatimin e Strategjisë 2026-2031.
Takimi i rregullt vjetor i AKA-së me institucionet e arsimit të lartë mbetet një platformë kryesore për të forcuar bashkëpunimin, për të ndarë përvojat dhe për të garantuar një sistem të qëndrueshëm dhe cilësor të arsimit të lartë në Kosovë.
Antare e plotë në:
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
Fillon procesi i vlerësimit për akreditim për vitin akademik 2027/2028
Agjencia e Kosovës për Akreditim (AKA) ka filluar procesin e vlerësimit për akreditim për vitin akademik 2027/2028. Vlerësimi i parë për këtë vit akademik është realizuar në Universitetin e Prishtinës, nga ekspertë ndërkombëtarë, për programin [...]
AKA dhe MASh diskutojnë për rolin e Agjencisë në Strategjinë e Arsimit 2035+
Në kuadër të procesit të hartimit të Strategjisë së re të Arsimit në Republikën e Kosovës 2035+, Ministri i Arsimit dhe Shkencës, Hajrullah Çeku, së bashku me Sekretarin e Përgjithshëm të Ministrisë, Naim Gashi, vizituan [...]
KShC/AKA raportojnë para Komisionit për Arsim dhe Shkencë të Kuvendit të Republikës së Kosovës
Më 9 nëntor 2026, Këshilli Shtetëror i Cilësisë (KShC) dhe Agjencia e Kosovës për Akreditim (AKA) raportuan para Komisionit për Arsim dhe Shkencë të Kuvendit të Republikës së Kosovës, ku u shqyrtuan raportet vjetore të [...]
AKA organizon punëtori për avancimin e dokumenteve dhe proceseve institucionale
Agjencia e Kosovës për Akreditim (AKA), gjatë periudhës 28–31 tetor 2026, organizoi një punëtori me qëllim të shqyrtimit, plotësimit dhe finalizimit të dokumenteve të rëndësishme për funksionimin dhe avancimin e proceseve institucionale të Agjencisë. Gjatë [...]
Këshilli Shtetëror i Cilësisë (KShC) mbajti mbledhjen e 155-të
Më 26 tetor 2026, Këshilli Shtetëror i Cilësisë (KShC) i Agjencisë së Kosovës për Akreditim (AKA) mbajti mbledhjen e tij të 155-të të rregullt. Gjatë mbledhjes u shqyrtuan çështje të rëndësishme që lidhen me proceset [...]
AKA merr pjesë në Asamblenë e Përgjithshme të ENQA 2026 në Las Palmas de Gran Canaria, Spanjë
Prof. Avni Berisha, President i Këshillit Shtetëror të Cilësisë (KShC), dhe Arianit Krasniqi, Drejtor i Përgjithshëm i Agjencisë së Kosovës për Akreditim (AKA), morën pjesë në Asamblenë e Përgjithshme të Asociacionit Evropian për Sigurimin e [...]








