Më 26 tetor 2026, Këshilli Shtetëror i Cilësisë (KShC) i Agjencisë së Kosovës për Akreditim (AKA) mbajti mbledhjen e tij të 155-të të rregullt. Gjatë mbledhjes u shqyrtuan çështje të rëndësishme që lidhen me proceset e akreditimit dhe riakreditimit të programeve të studimit në institucionet e arsimit të lartë në Kosovë.

Gjithashtu, u diskutuan çështje që lidhen me rishikimin e aplikimeve të ekspertëve, procedurat e aplikimit për akreditim dhe riakreditim, si dhe raportin përmbledhës mbi komentet e institucioneve të arsimit të lartë pas procesit të akreditimit.

Këshilli Shtetëror i Cilësisë mbetet i përkushtuar ndaj avancimit të vazhdueshëm të mekanizmave të sigurimit të jashtëm të cilësisë, transparencës dhe forcimit të standardeve të cilësisë në arsimin e lartë në Republikën e Kosovës.