Drejtori i Përgjithshëm i Agjencisë së Kosovës për Akreditim (AKA), Naim Gashi, dhe drejtori i Departamentit për Arsimin e Lartë në Ministrinë e Arsimit dhe Shkencës, Bardhyl Kabashaj, me rastin e përfundimit të misionit të saj në Kosovë, i kanë ndarë mirënjohje ekspertes amerikane dhe studiueses së Programit Fulbright, Dr. Audrey Peek.

Mirënjohja iu nda Dr. Peek për kontributin e saj profesional në zhvillimin dhe avancimin e sistemit të arsimit të lartë në Republikën e Kosovës, si dhe për mbështetjen e ofruar institucioneve përgjegjëse për sigurimin e cilësisë.

Gjatë angazhimit të saj në Kosovë, ekspertja Peek ka bashkëpunuar me Agjencinë e Kosovës për Akreditim në kuadër të përgatitjeve për procesin e njohjes ndërkombëtare nga Këshilli për Akreditimin e Arsimit të Lartë në Shtetet e Bashkuara të Amerikës – CHEA.

Drejtori i AKA-së, Naim Gashi, e falënderoi eksperten Peek për profesionalizmin, përkushtimin dhe mbështetjen e saj, duke vlerësuar se ekspertiza ndërkombëtare është me rëndësi të veçantë për fuqizimin e kapaciteteve institucionale të Agjencisë dhe për avancimin e procesit të njohjes ndërkombëtare.

Drejtori i Departamentit për Arsimin e Lartë, Bardhyl Kabashaj, vlerësoi kontributin e Dr. Audrey Peek në avancimin e sistemit të arsimit të lartë në Kosovë, me theks të veçantë në mbështetjen e sistemit KRIS, një platformë e dedikuar për administrimin