Kosova dhe Sllovakia po bashkëpunojnë për ngritjen e cilësisë në arsimin e lartë
Një delegacion i Agjencisë së Kosovës për Akreditim (AKA) është pritur në Bratislavë nga drejtuesit e Agjencisë së Akreditimit të Sllovakisë për Arsimin e Lartë (SAAVS), me të cilët kanë biseduar për bashkëpunimin në fushën e cilësisë në arsimin e lartë, shkëmbimet akademike dhe mundësinë e projekteve të përbashkëta.
Delegacioni i AKA-së përbëhej nga Kryetarja e Këshillit Shtetëror të Cilësisë (KShC), profesoresha Hasnije Ilazi, drejtori i përgjithshëm i AKA-së, Naim Gashi si dhe zyrtarja e lartë për akreditim, Ilirjanë Ademaj Ahmeti.
Nga ana e Sllovakisë ishin nikoqir profesori Robert Redhammer, kryetar i Bordit të SAAVS, profesori René Matlovič, zëvendëskryetar i Bordit dhe Dušan Faktor, udhëheqës i Zyrës së SAAVS.
Gjatë takimit, Kryetarja e KShC-së, Hasnije Ilazi, ka prezantuar punën e AKA-së në proceset e akreditimit, krijimin e mekanizmave për ngritjen e vazhdueshme të cilësisë, si dhe për zbatimin e të gjitha rekomandimeve për rikthimin e plotë në Asociacionit Evropian për Sigurimin e Cilësisë në Arsimin e Lartë (ENQA) dhe Regjistrit Evropian për Sigurimin e Cilësisë në Arsimin e Lartë (EQAR).
Kryetarja Ilazi ka thënë se në Kosovë është krijuar një kohezion shoqëror nga të gjithë akterët në arsimin e lartë për përkrahjen e AKA-së në ngritjen e cilësisë për programet e studimit.
Kreu i Agjencisë së Sllovakisë, profesori Redhammer ka thënë se SAAVS i është nënshtruar gjatë këtij viti vlerësimit final për anëtarësim në ENQA dhe ka treguar përvojat sllovake në plotësimin e rekomandimeve.
Kryetari Redhammer ka pranuar ftesën e Kryetares Ilazi që ekspertët e akreditimit të Sllovakisë të përfshihen në procesin e akreditimit në Kosovë.
Ilazi i ka ftuar drejtuesit e SAAVS që të marrin pjesë në Konferencën ndërkombëtare të AKA-së, që do të mbahen në Prishtinë më 26 shtator 2023.
Të dy delegacionet janë pajtuar për ta vazhduar bashkëpunimin në projekte të përbashkëta ndërkombëtare që lidhen me mekanizmat e sigurimit të cilësisë.
Antare e plotë në:
![20200520182616888-thumb[1]](https://akreditimi.rks-gov.net/wp-content/uploads/2020/10/20200520182616888-thumb1-300x132.jpg)
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
KSHC shqyrtoi raportet e ekspertëve ndërkombëtarë të akreditimit
Në mbledhjen e 124-të me radhë, të mbajtur më 25 qershor 2024, Këshilli Shtetëror i Cilësisë (KSHC) i Agjencisë së Kosovës për Akreditim (AKA), i ka shqyrtuar raportet e ekspertëve ndërkombëtarë të akreditimit dhe ka [...]
Delegacioni i AKA-së po merr pjesë në Asamblenë e INQAAHE në Bukuresht
Një delegacion i Agjencisë së Kosovës për Akreditim (AKA) po merr pjesë në punimet e Asamblesë së Rrjetit Ndërkombëtar për Agjencitë e Sigurimit të Cilësisë në Arsimin e Lartë (INQAAHE) dhe në Forumin 2024, që [...]
Këshilli Shtetëror i Cilësisë shqyrtoi dhe vendosi për disa raporte të ekspertëve ndërkombëtarë
Këshilli Shtetëror i Cilësisë (KShC) i Agjencisë së Kosovës për Akreditim (AKA), mbajti më 20.05.2024 mbledhjen e 123-të me radhë në të cilën ka shqyrtuar disa raporte të ekspertëve ndërkombëtarë të akreditimit dhe ka marrë [...]
AKA falënderon Agjencinë ADA për përkrahje në ngritjen e kapaciteteve teknike
Drejtori i Përgjithshëm i Agjencisë së Kosovës për Akreditim (AKA), Naim Gashi, gjatë një pritje që i bëri në Prishtinë, Menaxherit të Programit të Agjencisë për Zhvillim të Austrisë (ADA), Miguel Alves De Morais Neto, [...]
AKA dhe THEQC diskutojnë mundësitë e bashkëpunimit
Një delegacion i Agjencisë së Kosovës për Akreditim (AKA) ka marrë pjesë në Konferencën ndërkombëtare të Këshillit të Turqisë për Cilësinë në Arsim e Lartë (THEQC) dhe ka zhvilluar takime me drejtues të agjencive homologe [...]
KShC aprovoi Manualin e ri të akreditimit
Këshilli Shtetëror i Cilësisë (KSHC) i Agjencisë së Kosovës për Akreditim (AKA) në mbledhjen jashtëzakonshme të mbajtur më 29.04.2024, e ka miratuar Rregulloren për Manualin e Akreditimit, i cili është në harmoni me standardet e [...]