Në kuadër të muajit tetor, i njohur si Muaji i vetëdijesimit kundër kancerit të gjirit, stafi i Agjencisë së Kosovës për Akreditim (AKA) është bashkuar me fushatën globale të ndërgjegjësimit, duke mbajtur kordele rozë si simbol i mbështetjes dhe solidaritetit me të prekurit nga kjo sëmundje.

Ky gjest simbolik synon të përcjellë mesazhin për rëndësinë e kontrollit të rregullt mjekësor, parandalimit dhe informimit të vazhdueshëm si hapa thelbësorë në luftën kundër kancerit të gjirit.

Agjencia e Kosovës për Akreditim inkurajon të gjithë qytetarët që të kujdesen për shëndetin e tyre dhe të përkrahin nismat që promovojnë vetëdijesimin dhe parandalimin.