Drejtori i Agjencisë së Kosovës për Akreditim(AKA), Naim Gashi, e ka pritur në takim, z. Stergios Tragoudas, menaxher i Programit për zhvillimin e arsimit dhe resurseve humane, në Zyrën e BE-në në Prishtinë.

Në takim është diskutuar për planifikimin e përkrahjes së AKA-së në kuadër të projekteve të BE-së IPA II.

z. Tragoudas ka thënë se në raportin e fundit Komisioni Evropian e ka vlerësuar shumë pozitivisht punën e AKA-së.

Ata kanë diskutuar për përkrahjen financiare për Agjencinë e Akreditimit në kuadër të Projektit IPA II, për të forcuar kapacitetet e Agjencisë së Akreditimit dhe për plotësimin e rekomandimeve për kthim në ENQA dhe EQAR.