AKA ka hartuar Rregulloren për Procedurat e Përgjithshme dhe ka rishikuar Kodin e Etikës
Agjencia e Kosovës për Akreditim (AKA), më 26 dhe 27 shkurt 2025, ka mbajtur një punëtori në të cilën janë hartuar dhe diskutuar Rregullorja për Procedurat e Përgjithshme në AKA dhe është shqyrtuar rishikimi i Kodit të Etikës.
Qëllimi i Rregullores për Procedura të Përgjithshme është të sigurojë rregullimin dhe standardizimin e të gjitha procedurave të lidhura me proceset e AKA-së për institucionet e arsimit të lartë dhe programet e tyre në Republikën e Kosovës, në përputhje me standardet më të larta ndërkombëtare të sigurimit të cilësisë.
Nëpërmes kësaj rregulloreje synohet që të vendoset një kornizë e qartë dhe transparente për proceset e akreditimit, nxitja e përmirësimit të vazhdueshëm të cilësisë në institucionet e arsimit të lartë dhe sigurimi i një niveli të lartë të besueshmërisë dhe kredibilitetit për institucionet e akredituara brenda dhe jashtë vendit.
Rregullorja do të dërgohet gjatë javës së ardhshme për diskutim publik.
Në këtë punëtori është rishikuar edhe Kodi i Etikës për stafin e AKA-së. Ky kod e ka për bazë Kodin e Shërbimit Civil të Kosovës, por ai do të plotësohet edhe me disa specifika të AKA-së.
Kodi do të përcaktojë standardet e integritetit, rregullat e sjelljes dhe etikën profesionale që duhet të respektohen nga nëpunësit e Shërbimit Civil të AKA-së, gjatë ushtrimit të funksioneve administrative dhe publike.
Parimet e këtij kodi do të jenë: ligjshmëria, parimi i mos-diskriminimit, besnikëria dhe paanshmëria, efektshmëria dhe efikasiteti, përgjegjshmëria, konfidencialiteti, transparenca dhe barazia.
Antare e plotë në:
![20200520182616888-thumb[1]](https://akreditimi.rks-gov.net/wp-content/uploads/2020/10/20200520182616888-thumb1-300x132.jpg)
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
AKA prezantoi në Madrid përfitimet nga procesi i vlerësimit të ENQA
Drejtuesit e Agjencisë së Kosovës për Akreditim (AKA) morën pjesë në seminarin e organizuar nga Asociacioni Evropian për Sigurimin e Cilësisë në Arsimin e Lartë (ENQA), ku prezantuan përvojën e Kosovës në procesin e vlerësimit [...]
Diskutim Publik për Rregulloren për Monitorim dhe Procedura Pas Akredituese
Në bazë të nenit 39, nenit 40, paragrafi 1, nënparagrafi 1.9. dhe neni 40, paragrafi 3 i Ligjit Nr. 08/L-110 për Agjencinë e Kosovës për Akreditim (Gazeta Zyrtare e Republikës së Kosovës Nr. 13, 29 [...]
Përvojat e suksesshme të AKA-së për procedurat pas-akredituese prezantohen në CEENQA
Udhëheqësi i Divizionit për Procedura Pas-akredituese në Agjencinë e Kosovës për Akreditim (AKA), Milot Hasangjekaj, i ka prezantuar përvojat e suksesshëm të AKA-së për procedurat pas-akredituese në takimin e rregull të Rrjetit të Agjencive të [...]
KSHC miratoi Rregulloren për Validim dhe atë për Monitorim dhe Pas-akreditim
Në mbledhjen e 135-të të rregullt, të mbajtur më 10 mars 2025, Këshilli Shtetëror i Cilësisë (KSHC) i Agjencisë së Kosovës për Akreditim (AKA) ka miratuar versionin përfundimtar të Rregullores për Validim, si dhe ka [...]
Agjencia e Kosovës për Akreditim të gjithë mësimdhënësve ju uron 7 Marsin Ditën e Mësuesit
Agjencia e Kosovës për Akreditim të gjithë mësimdhënësve ju uron 7 Marsin Ditën e Mësuesit dhe 8 Marsin Ditën e Gruas.
AKA rishikon Rregulloren e Monitorimit dhe Procedurave Pas-Akredituese
AKA rishikon Rregulloren e Monitorimit dhe Procedurave Pas-Akredituese Këshilli Shtetëror i Cilësisë (KSHC) dhe personeli i Agjencisë së Kosovës për Akreditim (AKA), në punëtorinë e mbajtur më 03.03.2025, kanë rishikuar Rregulloren e Monitorimit dhe Procedurave [...]