Administratori i Sistemeve të Informacionit në Agjencinë e Kosovës për Akreditim (AKA), Kastriot Ilazi, ka mbajtur më 05.07.2024 një trajnim për institucionet e arsimit të lartë lidhur me procesin e deklarimit të stafit akademik në platformën e re E-Akreditimi.

Në këtë trajnim kanë marrë pjesë koordinatorët e cilësisë dhe administratorët e sistemeve elektronike në institucionet e arsimit të lartë. Sipas Ligjit të ri të AKA-së, deklarimi i stafit akademik në Republikën e Kosovës bëhet nga data 1 deri më 31 korrik.

Platforma e re elektronike E-Akreditimi, është zhvilluar me përkrahjen financiare të Agjencisë Austriake për Zhvillim (ADA), nëpërmes projektit HEI 25. AKA posedon të gjitha resurset teknike dhe financiare për mirëmbajtjen dhe zhvillimin e këtij sistemi.

Kjo platformë e re, mundëson digjitalizimin e administrimit të proceseve të akreditimit në Kosovë. Për sigurinë kibernetike të platformës kujdeset Agjencia e Shoqërisë së Informacionit (ASHI), në të cilën janë vendosur serverët e platformës.