Kryetarja e Këshillit Shtetëror të Cilësisë (KSHC), Prof. Asoc. Hasnije Ilazi, dhe Drejtori i Departamentit për Vlerësim dhe Akreditim, z. Arianit Krasniqi, morën pjesë në Konferencën Vjetore të Asociacionit për Teknologji, Menaxhment dhe Inxhinieri të Aplikuar (ATMAE), e cila u mbajt në Memphis, Shtetet e Bashkuara të Amerikës.

Në kuadër të kësaj konference, delegacioni i AKA-së zhvilloi takime me Presidentin e Bordit të Akreditimit, Dr. Ahmad Zargari, Kryetarin e Bordit të Drejtorëve, z. Walt Pozgay, Drejtoreshën për Akreditim në ATMAE, znj. Amy Good, si dhe me akterë të tjerë relevantë në fushën e sigurimit të cilësisë në arsimin e lartë në SHBA.

Përvojat e fituara nga kjo konferencë do të kontribuojnë në avancimin e standardeve për aplikimin e teknologjisë në programet dhe institucionet e arsimit të lartë në Kosovë. Njëkohësisht, kjo konferencë do të forcojë më tej bashkëpunimin ndërmjet dy institucioneve homologe, ndërsa përvojat amerikane do të ndihmojnë procesin e anëtarësimit të AKA-së në CHEA (Këshilli për Akreditim në Arsimin e Lartë).