AKA prezanton në RCC përfitimet dhe sfidat për zbatimin e standardeve evropiane (ESG)
Gjatë punimeve të takimit të gjashtë vendeve të Ballkanit Perëndimor, të organizuar nga Këshilli Rajonal për Bashkëpunim (RCC), që u mbajt më 24-25 prill 2025 në Zagreb të Kroacisë, Drejtori i Përgjithshëm i Agjencisë së Kosovës për Akreditim (AKA), Naim Gashi, prezantoi përvojën e Kosovës në procesin e vlerësimit nga Asociacioni Evropian për Sigurimin e Cilësisë në Arsimin e Lartë (ENQA), si dhe ndikimin që ky vlerësim ka pasur në zhvillimin e brendshëm të Agjencisë.
Në këtë ngjarje rajonale morën pjesë përfaqësues nga agjencitë e sigurimit të cilësisë të gjashtë vendeve të Ballkanit Perëndimor, të cilët diskutuan rreth përgatitjes për vlerësime nga ENQA, forcimit të bashkëpunimit dhe ndarjes së praktikave të suksesshme. Nikoqir i takimit ishte Agjencia Kroate për Sigurimin e Cilësisë në Arsimin e Lartë (ASHE).
Në prezantimin e tij me titull “Roli i vlerësimeve të ENQA në zhvillimin e Agjencisë së Kosovës për Akreditim”, Gashi theksoi se procesi i vlerësimit ka shërbyer si një reflektim i thellë mbi funksionimin e AKA-së dhe një shtytje drejt rritjes së transparencës, pavarësisë institucionale dhe përputhshmërisë me Standardet dhe Udhëzuesit Evropianë për Sigurimin e Cilësisë (ESG).
Ai prezantoi të dhëna konkrete mbi arritjet e AKA-së, si: rritja e numrit të stafit nga 8 në 26, strukturimi i agjencisë, përmirësimi i infrastrukturës digjitale dhe reformimi i manualit të akreditimit. Gjithashtu, ai theksoi se Ligji i ri për AKA-në, i miratuar në vitin 2023, ka qenë një ndër faktorët kryesor që ka mundësuar pavarësinë funksionale të Agjencisë dhe rritjen e besimit të palëve të interesit.
Pjesë e rëndësishme e prezantimit ishin edhe reflektimet mbi sfidat, si kompleksiteti i përputhjes me standardet ESG, interpretimi i tyre në kontekstin lokal dhe faktorët e jashtëm që ndikojnë në funksionimin institucional. “Vlerësimi nga ENQA nuk ishte vetëm një test për ne, por një mundësi për të mësuar, për t’u përmirësuar dhe për të avancuar cilësinë e arsimit të lartë në Kosovë”, tha Gashi.
Në vigjilje të takimit rajonal, drejtori Gashi ka zhvilluar një takim të veçantë me homologen kroate, drejtoren e ASHE, profesoreshën Danijela Horvatek Tomić, me të cilën kanë biseduar për vazhdimin e bashkëpunimit në funksion të ngritjes së cilësisë në arsimin e lartë.
Pjesëmarrja e AKA-së në këtë ngjarje rajonale u vlerësua nga pjesëmarrësit si një kontribut i vlefshëm dhe një shembull i mirë se si një agjenci e akreditimit, mund të përmbushë standardet evropiane për sigurimin e cilësisë dhe të kontribuojë në zhvillimin e përbashkët rajonal.
Antare e plotë në:
![20200520182616888-thumb[1]](https://akreditimi.rks-gov.net/wp-content/uploads/2020/10/20200520182616888-thumb1-300x132.jpg)
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
Session 2: International impact on National Quality Assurance and Accreditation Systems: Regional experiences, advantages, and weaknesses
We are happy to welcome international and local panelist in Session 2 of 3rd KAA Annual Conference 2025. “International impact on National Quality Assurance and Accreditation Systems: Regional experiences, advantages and weaknesses” will be the [...]
Session 1: Cooperation in Cross-Border Higher Education: Challenges and Best Practices
We are happy to welcome international and local panelist in Session 1 of 3rd KAA Annual Conference 2025. “Cooperation in Cross-Border Higher Education: Challenges and Best Practices” will be the 1st session of the 3rd [...]
Kosova dhe Kroacia thellojnë bashkëpunimin në fushën e cilësisë në arsim
Më 10 shtator 2025, në ambientet e Agjencisë së Kosovës për Akreditim (AKA), Kryetarja e Këshillit Shtetëror të Cilësisë (KShC), prof. Hasnije Ilazi, dhe Drejtori i Përgjithshëm, z. Naim Gashi, pritën në takim Ambasadoren e [...]
Stafi i AKA-së pjesë e seminarit të ENQA “Dimensioni Evropian i Sigurimit të Cilësisë”
Dy zyrtare të larta të Agjencisë së Kosovës për Akreditim (AKA), znj. Kaltrina Hyseni dhe znj. Leona Barbatovci, morën pjesë në Seminarin e organizuar nga Asociacioni Evropian për Sigurimin e Cilësisë në Arsimin e Lartë [...]
Meet Our Keynote 2 Speaker: Mr. Aleksandar Šušnjar, Director, EQAR
We are thrilled to welcome Mr. Aleksandar Šušnjar as keynote 2 speaker at 3rd KAA Annual Conference 2025. ”Importance of ESG Compliance at the National and International Level” will be the 2nd keynote of the [...]
Meet Our Keynote 1 Speakers: Ms. Doris Herrmann, Vice President – ENQA, Germany & Mr. Peter Levente Lakatos MAB Director General/ENQA Board Member, Hungary
We are thrilled to welcome Ms. Doris Herrmann & Mr. Peter Levente Lakatos as keynote 1 speakers at 3rd KAA Annual Conference 2025. “Building Trust in European Higher Education – Quality Assurance, Internationalization and Emerging [...]