Me përkrahjen nga Ambasada e Shteteve të Bashkuara të Amerikës në Prishtinë – Projekti Fulbright, në Agjencinë e Kosovës për Akreditim (AKA), të enjten, më 25.11.2021, është finalizuar dhe publikuar projekti zbatues i studimit të fizibilitetit për digjitalizimin e përgjithshëm të proceseve në Agjencinë e Kosovës për Akreditim.

Nëpërmes një takimi online, u prezantua dokumenti final i udhëhequr nga ekspertja amerikane dr. Trenia Walker, anëtarja e Këshillit Shtetëror të Cilësisë (KShC), profesoresha Krenare Pireva Nuçi dhe zyrtari i AKA-së, z. Flamur Abazaj.

Përmes këtij projekti do të kontribuohet në digjitalizimin dhe automatizimin e të gjitha proceseve në AKA, si dhe do të mundësohet rritja e transparencës ndaj publikut.

AKA tani disponon projektin zbatues të digjitalizimit dhe automatizimit, i cili vitin e ardhshëm do të implementohen dhe hynë në funksion të të gjithë akterëve të arsimit të lartë në Republikën e Kosovës.

Zbatimi i këtij projekti do të bëhet me fondet e AKA-së dhe donatorëve ndërkombëtarë, në mënyrë që të ngritë kënaqësinë e të gjitha palëve të interesit, duke përfshirë studentët, komunitetin akademik, organizatat e shoqërisë civile si dhe publikun e gjerë.

AKA falënderon Ambasadën e Shteteve të Bashkuara të Amerikës në Prishtinë, për përkrahjen e vazhdueshme teknike, financiare dhe institucionale, me qëllim të forcimit të kapaciteteve tona të brendshme dhe transferit të dijes tek personeli vendor, rritjen e transparencës dhe llogaridhënies.

Për më shumë shkarkoni dokumentin origjinal: SQ / ENG

Me respekt,

Agjencia e Kosovës për Akreditim