Kryetarja e Këshillit Shtetëror të Cilësisë, profesoresha Hasnije Ilazi së bashku me anëtaren e KSHC-së, profesoreshën Krenare Pireva-Nuçi dhe me përfaqësues të Agjencisë së Kosovës për Akreditim u takuan sot me përfaqësuesit e Parlamentit Studentor të Universitetit të Prishtinës.

Në këtë takim u diskutua për tema të ndryshme rreth ngritjes së cilësisë së studimeve në Universitetin e Prishtinës, duke përfshirë çështje dhe sfida të ndryshme me të cilat ballafaqohen studentët.

Po ashtu, nga ana e KSHC-së dhe  AKA-së u bë e ditur për hapat që do të ndërmerren me qëllim të avancimit dhe përmirësimit të gjendjes aktuale në UP.

Me theks të veçantë u diskutua për avancimin e përafrimit të mëtejmë me Procesin e Bolonjës dhe për nevojën e hartimit të një plani të detajuar për këtë qëllim. Temë tjetër e rëndësishme që u diskutua gjatë takimit ishte edhe digjitalizimi i shërbimeve të ndryshme administrative brenda UP-së.

Palët u dakorduan që ky lloj bashkëpunimi të vazhdojë edhe në të ardhmen, në mënyrë që edhe studentët të japim kontributin e tyre në ngritjen e cilësisë në universitet.