Agjencia e Kosovës për Akreditim (AKA) sot ka organizuar punëtori një-ditore për shqyrtimin e draftit të Rregullores për organizimin e brendshëm dhe sistematizimin e vendeve të punës në AKA. Qëllimi i kësaj Rregulloreje, e cila pritet të finalizohet shumë shpejt, është përcaktimi i organizimit të brendshëm dhe sistematizimi i vendeve të punës në AKA, si dhe përshkrimi i detyrave të punës për pozitat të cilat përbëjnë strukturën organizative të saj. Rregullorja është përgatitur nga ekspertët e jashtëm të angazhuar me përkrahje të projektit “Cilësi, llogaridhënie, integritet dhe transparencë në arsimin e lartë” (QAINT).

Projekti QAINT financohet nga Agjencia Austriake për Zhvillim (ang. ADA), me kontribut të Ministrisë së Arsimit, Shkencës, Teknologjisë dhe Inovacionit (MAShTI) dhe zbatohet nga konsorciumi KEC, ORCA dhe ZSI.