Në mbledhjen e rregullt 141 të mbajtur më dt. 21 gusht 2025, Këshilli Shtetëror i Cilësisë ka filluar me shqyrtimin e aplikacioneve për akreditim institucional dhe të programeve për vitin 2026.  Gjithsej janë trajtuar gjashtë aplikacione për akreditim institucional dhe aplikacione për akreditim të programeve nga nëntë institucione të arsimit të lartë.

Gjatë mbledhjes janë marrë vendime në lidhje me kërkesa dhe ankesa të IAL-ve. Njëkohësisht është prezantuar edhe raporti i monitorimit të web faqeve të IAL-ve.

Si pikë të rregullt të rendit të ditës nga KShC është diskutuar edhe mbi progresin në organizimin e konferencës vjetore për arsimin e lartë në Kosovë që do të mbahet më 30 shtator 2025 në Prishtinë.