Agjencia e Kosovës për Akreditim ka kënaqësinë të bëjë bashkë ekspertë dhe drejtues të shquar në fushën e sigurimit të cilësisë në arsimin e lartë në Panelin 1: “Roli i agjencive të sigurimit të cilësisë”.

Në panel do të marrin pjesë Hristina Serafimovska, Drejtoreshë e Agjencisë për Cilësi në Arsimin e Lartë të Republikës së Maqedonisë së Veriut (AKVO); Franci Demšar, Drejtor i Agjencisë Sllovene për Sigurimin e Cilësisë në Arsimin e Lartë (NAKVIS); Anisa Subashi, Drejtoreshë e Përgjithshme e Agjencisë së Sigurimit të Cilësisë në Arsimin e Lartë (ASCAL), Shqipëri; Péter Levente Lakatos, Komiteti Hungarez i Akreditimit (MAB) dhe anëtar i Bordit të ENQA-s; Patrick Van den Bosch, Udhëheqës i Këshillit Flamand të Arsimit të Lartë – Sigurimi i Cilësisë (VLUHR QA), Belgjikë, dhe Zëvendëspresident i ENQA-s; si dhe Douglas Blackstock, ish-President i ENQA-s.

Diskutimi do të moderohet nga Aqim Emruli, Udhëheqës i Ekipit të SHER-it, WUS Austria.

Konferenca e Katërt Vjetore e AKA-s do të mbahet më 29 shtator 2026 në Prishtinë, Kosovë, dhe do të bëjë bashkë akterë kyç dhe ekspertë ndërkombëtarë për të diskutuar rolin në zhvillim të agjencive të sigurimit të cilësisë në fuqizimin e cilësisë së arsimit të lartë.