Delegacioni i AKA-së pjesë e eventit të ENQA-s për cilësinë në arsimin e lartë
Një delegacion i Agjencisë së Kosovës për Akreditim (AKA), për dy ditë me radhë ka marrë pjesë në një ngjarje të organizuar nga Asociacioni Evropian për Sigurimin e Cilësisë në Arsimin e Lartë (ENQA), në Këln të Gjermanisë, ku është diskutuar për procesin e vlerësimit të jashtëm për anëtarësim në ENQA.
Delegacioni i AKA-së, i vetmi nga rajoni i Ballkanit, përbëhej nga Kryetarja e Këshillit Shtetëror të Cilësisë (KShC), profesoresha Hasnije Ilazi, Drejtori i Agjencisë Naim Gashi si dhe zyrtari i lartë, Arianit Krasniqi.
Qëllimi i këtij organizimi, ku kanë marrë pjesë 29 shtete të Evropës, ka qenë përgatitja e agjencive të akreditimit për vlerësimin nga ENQA si dhe shkëmbimi i përvojave të mira për cilësinë në arsimin e lartë.
Delegacioni i Kosovës ka zhvilluar takime me krerët e ENQA-s dhe EQAR-it, si dhe me udhëheqësit e agjencive homologe nga Gjermania, Italia, Sllovakia, Sllovenia, Ukraina etj, me të cilët është diskutuar për hapa konkret të bashkëpunimit për garantimin e cilësisë në arsimin e lartë.
Delegacioni i Kosovës i ka ftuar agjencitë homologe që të jenë pjesë e Konferencës rajonale për cilësinë në arsimin e lartë e cila planifikohet të mbahet në tetor të këtij viti në Prishtinë.
Drejtuesit e AKA-së, kanë prezantuar punën që është bërë në zbatimin e Udhëzuesve Evropian të Sigurimit të Cilësisë në Arsimin e Lartë (ESG) dhe planet për t’ju nënshtruar vlerësimit nga ENQA, për anëtarësim në këtë institucion.
Antare e plotë në:
![20200520182616888-thumb[1]](https://akreditimi.rks-gov.net/wp-content/uploads/2020/10/20200520182616888-thumb1-300x132.jpg)
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
KSHC shqyrtoi raportet e ekspertëve ndërkombëtarë të akreditimit
Në mbledhjen e 124-të me radhë, të mbajtur më 25 qershor 2024, Këshilli Shtetëror i Cilësisë (KSHC) i Agjencisë së Kosovës për Akreditim (AKA), i ka shqyrtuar raportet e ekspertëve ndërkombëtarë të akreditimit dhe ka [...]
Delegacioni i AKA-së po merr pjesë në Asamblenë e INQAAHE në Bukuresht
Një delegacion i Agjencisë së Kosovës për Akreditim (AKA) po merr pjesë në punimet e Asamblesë së Rrjetit Ndërkombëtar për Agjencitë e Sigurimit të Cilësisë në Arsimin e Lartë (INQAAHE) dhe në Forumin 2024, që [...]
Këshilli Shtetëror i Cilësisë shqyrtoi dhe vendosi për disa raporte të ekspertëve ndërkombëtarë
Këshilli Shtetëror i Cilësisë (KShC) i Agjencisë së Kosovës për Akreditim (AKA), mbajti më 20.05.2024 mbledhjen e 123-të me radhë në të cilën ka shqyrtuar disa raporte të ekspertëve ndërkombëtarë të akreditimit dhe ka marrë [...]
AKA falënderon Agjencinë ADA për përkrahje në ngritjen e kapaciteteve teknike
Drejtori i Përgjithshëm i Agjencisë së Kosovës për Akreditim (AKA), Naim Gashi, gjatë një pritje që i bëri në Prishtinë, Menaxherit të Programit të Agjencisë për Zhvillim të Austrisë (ADA), Miguel Alves De Morais Neto, [...]
AKA dhe THEQC diskutojnë mundësitë e bashkëpunimit
Një delegacion i Agjencisë së Kosovës për Akreditim (AKA) ka marrë pjesë në Konferencën ndërkombëtare të Këshillit të Turqisë për Cilësinë në Arsim e Lartë (THEQC) dhe ka zhvilluar takime me drejtues të agjencive homologe [...]
KShC aprovoi Manualin e ri të akreditimit
Këshilli Shtetëror i Cilësisë (KSHC) i Agjencisë së Kosovës për Akreditim (AKA) në mbledhjen jashtëzakonshme të mbajtur më 29.04.2024, e ka miratuar Rregulloren për Manualin e Akreditimit, i cili është në harmoni me standardet e [...]