Naim Gashi rizgjidhet Drejtor i Përgjithshëm i Agjencisë së Akreditimit
Qeveria e Kosovës, në mbledhjen e drejtuar nga Kryeministri Albin Kurti, e ka rizgjedhur Naim Gashin, për një mandat të dytë katërvjeçar në pozitën e Drejtorit të Përgjithshëm të Agjencisë së Kosovës për Akreditim (AKA).
Vendimi i Qeverisë erdhi me propozimin e ministres së MASHTI-t, Arbërie Nagavci, e cila kishte vlerësuar me performacë pozitive z. Gashi, në mandatin e tij të parë.
Propozimin në mbledhjen e Qeverisë, e ka bërë Zëvendësministrja e MASHTI-t, Edona Maloku Bërdyna.
“Gjatë tri viteve të mandatit të tij, z. Gashi kishte një performancë shumë të mirë në drejtimin e AKA. Ndonëse e filloj punën në kohë pandemie ai ka arritur që ta menaxhojë me sukses procesin e akreditimit të programeve akademike dhe institucioneve të arsimit të lartë për tri vite me radhë”, ka thënë Maloku në mbledhjen e Qeverisë.
Ajo ka thënë se të gjitha raportet vendore dhe ndërkombëtare, duke përfshirë edhe tri raportet për Kosovën të Komisionit Evropian e prezantojnë shumë kredibile, profesionale dhe të pavarur punën e Agjencisë së Akreditimit.
“Z. Gashi ka dorëzuar vazhdimisht në MASHTI raportet vjetore të punës dhe planet e punës për vitet vijuese të cilat kanë marrë aprovimin dhe përkrahjen e MASHTI-t. Krahas punës menaxheriale dhe profesionale në ngritjen e imazhit të AKA-së brenda vendit, z. Gashi ka bërë punë të mirë edhe në ndërkombëtarizimin e këtij institucioni edhe jashtë vendit. Sot AKA është partnere serioze dhe e respektuar e institucioneve homologe në rajon, Evropë dhe SHBA. AKA është binjakëzuar me Agjencinë homologe të Austrisë, ndërsa si rezultat i punës së suksesshme dhe plotësimit të kritereve, Agjencia e Akreditimit vitin e kaluar ka marrë statusin Affiliate në ENQA. Z. Gashi ka përpiluar edhe një plan dinamik për anëtarësimin e plotë në ENQA, për çka MASHTI dhe Qeveria jonë kanë ofruar përkrahjen e plotë”, ka thënë Maloku Bërdyna.
Zevendesminisrtja e MASHTI tha se si rezultat i krijimit të frymës bashkëpunuese, Agjencia e Akreditimit ka përfituar nga projektet e donatorëve ndërkombëtarë në avancimin e politikave dhe ngritjen e kapaciteteve të brendshme teknike.
Një arsye tjetër për këtë propozim është kohezioni nacional dhe bashkëpunimi me të gjitha palët që po bën AKA për ngritjen e cilësisë dhe eliminimin e të gjitha dukurive negative me të cilat është përballur Agjencia në të kaluarën.
“z. Gashi ka drejtuar Agjencinë e Akreditimit në tri vitet e kaluar dhe ky institucion ishte vlerësuar pozitivisht në tri raportet e fundit të Komisionit Evropian për Kosovën. Gjatë mandatit të parë, Gashi ka plotësuar rekomandimet e Asociacionit Evropian të Sigurimit të Cilësisë në Arsimin e Lartë (ENQA). Si rezultat i kësaj Agjencia e Akreditimit nga 3 shtator 2022 është anëtare e asociuar e ENQA-së”, ka thënë Maloku në propozimin e saj për rizgjedhjen e z. Gashi.
Krahas Agjencisë së Akreditimit, Gashi është edhe Kryetar i Komisionit Shtetëror për pozita të larta drejtuese në kuadër të Qeverisë së Kosovës, si pozita më e lartë në Shërbimin Civil të Kosovës.
Me propoimin e Kryeministrit të Republikës së Kosovës, Albin Kurti, të gjithë ministrat kanë votuar për rizgjedhjen e Naim Gashit, Drejtor i Përgjithshëm i Agjencisë së Akreditimit.
Antare e plotë në:
![20200520182616888-thumb[1]](https://akreditimi.rks-gov.net/wp-content/uploads/2020/10/20200520182616888-thumb1-300x132.jpg)
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
KSHC shqyrtoi raportet e ekspertëve ndërkombëtarë të akreditimit
Në mbledhjen e 124-të me radhë, të mbajtur më 25 qershor 2024, Këshilli Shtetëror i Cilësisë (KSHC) i Agjencisë së Kosovës për Akreditim (AKA), i ka shqyrtuar raportet e ekspertëve ndërkombëtarë të akreditimit dhe ka [...]
Delegacioni i AKA-së po merr pjesë në Asamblenë e INQAAHE në Bukuresht
Një delegacion i Agjencisë së Kosovës për Akreditim (AKA) po merr pjesë në punimet e Asamblesë së Rrjetit Ndërkombëtar për Agjencitë e Sigurimit të Cilësisë në Arsimin e Lartë (INQAAHE) dhe në Forumin 2024, që [...]
Këshilli Shtetëror i Cilësisë shqyrtoi dhe vendosi për disa raporte të ekspertëve ndërkombëtarë
Këshilli Shtetëror i Cilësisë (KShC) i Agjencisë së Kosovës për Akreditim (AKA), mbajti më 20.05.2024 mbledhjen e 123-të me radhë në të cilën ka shqyrtuar disa raporte të ekspertëve ndërkombëtarë të akreditimit dhe ka marrë [...]
AKA falënderon Agjencinë ADA për përkrahje në ngritjen e kapaciteteve teknike
Drejtori i Përgjithshëm i Agjencisë së Kosovës për Akreditim (AKA), Naim Gashi, gjatë një pritje që i bëri në Prishtinë, Menaxherit të Programit të Agjencisë për Zhvillim të Austrisë (ADA), Miguel Alves De Morais Neto, [...]
AKA dhe THEQC diskutojnë mundësitë e bashkëpunimit
Një delegacion i Agjencisë së Kosovës për Akreditim (AKA) ka marrë pjesë në Konferencën ndërkombëtare të Këshillit të Turqisë për Cilësinë në Arsim e Lartë (THEQC) dhe ka zhvilluar takime me drejtues të agjencive homologe [...]
KShC aprovoi Manualin e ri të akreditimit
Këshilli Shtetëror i Cilësisë (KSHC) i Agjencisë së Kosovës për Akreditim (AKA) në mbledhjen jashtëzakonshme të mbajtur më 29.04.2024, e ka miratuar Rregulloren për Manualin e Akreditimit, i cili është në harmoni me standardet e [...]