Pas marrjes së aprovimit nga Agjencia për Informim dhe Privatësi (AIP), më 10.12.2025, Agjencia e Kosovës për Akreditim (AKA) ka publikuar Politikat e Privatësisë sipas të cilave përpunohen dhe mbrohen të dhënat personale të individëve dhe institucioneve që bashkëpunojnë me AKA-në.

Politikat e privatësisë përfshijnë mënyrën e mbledhjes, përdorimit, ruajtjes dhe mbrojtjes së të dhënave personale, duke siguruar që proceset e akreditimit dhe pasakreditimit, si dhe aktivitetet e tjera të AKA-së, janë në përputhje me kërkesat e Ligjit për Mbrojtjen e të Dhënave Personale dhe standardet e Bashkimit Evropian për mbrojtjen e të dhënave.

Kjo politikë ka si qëllim të ofrojë transparencë për palët e përfshira dhe të sigurojë që të drejtat e individëve të mbrohen gjatë gjithë procesit të përpunimit të të dhënave, përfshirë të drejtën për qasje, korrigjim, fshirje dhe ndalimin e përpunimit të të dhënave. Politikat e privatësisë do të përditësohen periodikisht për të reflektuar ndryshimet ligjore dhe rregullore të reja.

Për më shumë informacion mbi politikat e privatësisë dhe mënyrën e përpunimit të të dhënave, mund të vizitoni dokumentin e plotë të politikës në linkun: Politika e Privatësisë e AKA.