AKA pjesë e Asamblesë së ENQA në Malta
Kryetarja e Këshillit Shtetëror të Cilësisë (KSHC), profesoresha Hasnije Ilazi dhe Drejtori i Përgjithshëm i Agjencisë së Kosovës për Akreditim, Naim Gashi, kanë marrë pjesë në Asamblenë e Përgjithshme të Asociacionit Evropian për Sigurimin e Cilësisë në Arsimin e Lartë (ENQA), i cili po mbahet në Malta.
Në këtë Asamble është diskutuar për rishikimin e standardeve dhe udhëzuesve evropian për sigurimin e cilësisë (ESG 2015). Standardet e reja evropiane do të hyjnë në fuqi në vitin 2027, ndërsa vendet anëtare kanë një periudhë kalimtare për adaptimin e tyre.
Në vigjilje të Asamblesë së ENQA, delegacioni i AKA-së është takuar me Presidentin e ENQA, Douglas Blackstock, me drejtorin e ri të Regjistrit Evropian për Sigurimin e Cilësisë në Arsimin e Lartë (EQAR), Aleksandar Šušnjar si dhe me përfaqësues të agjencive homologe nga rajoni dhe Evropa.
Në të gjitha takimet, partnerët evropianë kanë theksuar se AKA ka bërë reforma të thella dhe ka shënuar progres evident në funksion të zbatimit të standardeve evropiane, që kanë ndikuar në ngritjen e vazhdueshme të cilësisë në arsimin e lartë në Kosovë.
Gjatë takimeve është vlerësuar lartë edhe organizimi i Konferencës ndërkombëtare të AKA-së, e cila u mbajt muajin e kaluar në Prishtinë.
Antare e plotë në:
Më Shumë Nga Lajmet e Fundit
Përfaqësues të AKA-së marrin pjesë në Forumin Evropian për Sigurimin e Cilësisë 2025 në Budapest
Dy përfaqësues të Agjencisë së Kosovës për Akreditim (AKA), Arianit Krasniqi, Drejtor i Departamentit për Vlerësim dhe Akreditim, dhe Ilirjane Ademaj-Ahmeti, Zyrtare e Lartë për Vlerësim dhe Akreditim, morën pjesë në Forumin Evropian për Sigurimin [...]
Komisioni Evropian e vlerëson AKA-në për ekselencë në sigurimin e cilësisë
Komisioni Evropian, në Raportin për Kosovën të vitit 2025, e ka vlerësuar Agjencinë e Kosovës për Akreditim (AKA) për ekselencën evropiane në sigurimin e cilësisë në arsimin e lartë në Kosovë. “Në korrik 2025, Agjencia [...]
AKA vlerësohet publikisht në Konferencën mbarëamerikane në Memphis
Në ditën e fundit të konferencës vjetore të organizuar nga Association of Technology, Management, and Applied Engineering (ATMAE), me pjesëmarrjen e përfaqësuesve të një numri të madh universitetesh nga shumë shtete amerikane, Agjencia e Akreditimit [...]
Cristina Ghițulică zgjidhet Presidente e re e ENQA
Asambleja e Përgjithshme e Asociacionit Evropian për Sigurimin e Cilësisë në Arsimin e Lartë (ENQA) ka zgjedhur më 23.10.2025 drejtoreshën e Agjencisë Rumune për Sigurimin e Cilësisë në Arsimin e Lartë (ARACIS), Cristina Ghițulică, Presidente [...]
AKA pjesë e Konferencës Vjetore të ATMAE – Asociacionit për Teknologji, Menaxhment dhe Inxhinieri të Aplikuar
Kryetarja e Këshillit Shtetëror të Cilësisë (KSHC), Prof. Asoc. Hasnije Ilazi, dhe Drejtori i Departamentit për Vlerësim dhe Akreditim, z. Arianit Krasniqi, morën pjesë në Konferencën Vjetore të Asociacionit për Teknologji, Menaxhment dhe Inxhinieri të [...]
Agjencia e Kosovës për Akreditim miratoi Politikat e Privatësisë
Prishtinë, 20 tetor 2025 – Agjencia e Kosovës për Akreditim (AKA) ka miratuar Politikat e Privatësisë, një dokument institucional që përcakton mënyrën e mbledhjes, përpunimit dhe mbrojtjes së të dhënave personale në përputhje me Ligjin [...]