Agjencia e Kosovës për Akreditim (AKA) ka publikuar listën zyrtare të programeve të studimit të akredituara për vitin akademik 2026/2027, duke u ofruar maturantëve, studentëve dhe publikut një pasqyrë të qartë mbi programet që plotësojnë standardet e kërkuara të cilësisë në arsimin e lartë.

Lista përfshin programet e institucioneve publike dhe private të arsimit të lartë që kanë kaluar me sukses procesin e akreditimit institucional dhe programor, në përputhje me standardet kombëtare dhe ndërkombëtare për sigurimin e cilësisë.

Programet e akredituara shtrihen në fusha të ndryshme studimi, përfshirë shkencat shoqërore, inxhinierinë dhe teknologjinë, shkencat natyrore, shkencat shëndetësore, biznesin dhe ekonominë, edukimin, si dhe fusha të tjera me interes për zhvillimin akademik dhe profesional të studentëve.

Lista është e organizuar sipas institucioneve dhe cikleve të studimit – Bachelor, Master dhe Doktoratë – duke ua lehtësuar kandidatëve verifikimin e statusit të programit për të cilin planifikojnë të aplikojnë.

AKA u bën thirrje të gjithë kandidatëve që, para regjistrimit në një program studimi, të sigurohen se ai figuron në listën zyrtare të programeve të akredituara. Verifikimi i statusit të akreditimit është një hap i rëndësishëm për zgjedhjen e një programi që plotëson kriteret e përcaktuara nga autoritetet përgjegjëse për sigurimin e cilësisë në arsimin e lartë.

Lista e plotë e programeve të akredituara për vitin akademik 2026/2027 mund të gjendet në këtë link:

https://akreditimi.rks-gov.net/wp-content/uploads/Tabela-Programet-E-Akredituara-2026-V4.pdf

Për më shumë informacione ose sqarime, mund të kontaktoni zyrën për informim të AKA-së përmes emailit zyrtar apo numrave kontaktues të publikuar në ueb faqe.