Një delegacion i Agjencisë së Kosovës për Akreditim (AKA) po merr pjesë në punimet e Asamblesë së Rrjetit Ndërkombëtar për Agjencitë e Sigurimit të Cilësisë në Arsimin e Lartë (INQAAHE) dhe në Forumin 2024, që po mbahet në Bukuresht të Rumanisë.

Tema e Forumit të sivjetmë është: Transformimi i shoqërisë: Përgjegjësia sociale përmes sigurimit të cilësisë së arsimit të lartë.

Forumi 2024 synon të pajisë pjesëmarrësit me një kuptim holistik se si arsimi i lartë mund të formësojë një të ardhme më cilësore për individët dhe shoqërinë.

Institucionet e arsimit të lartë janë më shumë se qendra të ekselencës akademike apo zhvillimit profesional. Ato kanë një fuqi të madhe për të nxitur ndryshime pozitive në shoqëri, dhe sigurimi i cilësisë mund të udhëheqë përgjegjësinë e tyre sociale.

Forumi po hapë një sërë mundësish për tu thelluar në këto tema përmes punëtorive, sesioneve interaktive, takimeve të rrjeteve rajonale dhe mundësive të rrjetëzimit.

Paralelisht me Forumin 2024 po zhvillohen edhe punimet e Asamblesë së Përgjegjshëm të INQAAHE ku AKA është anëtare me të drejta të plota. Gjatë punimeve të Asamblesë delegacioni i Kosovës do të ketë të drejtën e fjalës dhe të votës për çështjet që janë në agjendë dhe kanë për qëllim nxitjen e bashkëpunimit në nivel ndërkombëtarë në fushën e cilësisë në arsimin e lartë.

Në vigjilje të punimeve të Asamblesë dhe në Forumin 2024, delegacioni i AKA po zhvillon takime me agjencisë homologe të sigurimit të cilësisë në arsimin e lartë dhe po merr pjesë aktive në punimet e Forumit.