Një ekip i Agjencisë së Kosovës për Akreditim (AKA) i përbërë nga Shpresa Shala dhe Fjollë Ajeti, më 11 dhe 12 dhjetor 2024, kanë marrë pjesë në dy ngjarje të rëndësishme ndërkombëtare të organizuara nga Asociacioni Evropian për Sigurimin e Cilësisë në Arsimin e Lartë (ENQA) në Bruksel, Belgjikë.

Në vigjilje të këtyre aktiviteteve, ekipi i AKA-së kanë bashkëbiseduar edhe Presidentin e ENQA, Douglas Blackstock, drejtoreshën e ENQA, Anna Gover si dhe drejtues të lartë të agjencive homologe në Evropë, me të cilët kanë diskutuar për bashkëpunimin në ngritjen e cilësisë në arsimin e lartë.

Ngjarjet dyditore në Bruksel kanë përfshirë:

Seminarin mbi Dimensionin Evropian të Sigurimit të Cilësisë, ku u trajtuan:

• Korniza Evropiane e Sigurimit të Cilësisë;
• Procesi i Bolonjës dhe zhvillimet më të fundit në sigurimin e cilësisë; dhe
• Angazhimi i studentëve dhe diversiteti në trajtimin e shqyrtimeve dhe ankesave.

Në Punëtorinë për Zhvillimin e Stafit në Agjencitë e Sigurimit të Cilësisë, fokusi ka qenë në:

• Kompetencat profesionale dhe krijimin e mjediseve atraktive të punës; dhe
• Përgatitjen për sfida të reja dhe zhvillimin e kapaciteteve sektoriale.

Gjatë këtyre aktiviteteve, përfaqësueset e AKA-së patën mundësi të marrin përvoja të vlefshme nga agjencitë homologe ndërkombëtare, si ato të Austrisë, Anglisë, Portugalisë, Norvegjisë, etj.

Mbështetur nga Programi Erasmus+ i Bashkimit Evropian, këto aktivitete ofrojnë mundësi të jashtëzakonshme për të përmirësuar praktikat e sigurimit të cilësisë në arsimin e lartë dhe për të forcuar bashkëpunimin ndërkombëtar.