Më 24 korrik 2025, Këshilli Shtetëror i Cilësisë (KSHC) i Agjencisë së Kosovës për Akreditim (AKA) mbajti mbledhjen e tij të 140-të të rregullt në të cilën i ka diskutuar disa pika te rendit te ditës.

Këshilli shqyrtoi dhe rishikoi disa raporte të ekspertëve lidhur me akreditimin e programeve në fusha të ndryshme studimi. Rendi i ditës përfshinte gjithashtu trajtimin e disa kërkesave institucionale dhe programore, si dhe shqyrtimin e dokumentacionit të përditësuar për programe të caktuara.

Gjatë mbledhjes u shqyrtuan edhe një numër ankesash të parashtruara nga institucionet e arsimit të lartë. Këshilli shqyrtoi vendimet e Komisionit për Ankesa dhe mori vendimet për secilën prej tyre.

Në pjesën përmbyllëse të mbledhjes, KSHC diskutoi përgatitjet për konferencën e radhës për sigurimin e cilësisë në arsimin e lartë, e cila do të mbahet në Prishtinë më 30 shtator 2025, si dhe çështje të tjera të rëndësishme për mandatin e tij.