Komisioni Evropian: Agjencia e Akreditimit ka zbatuar rekomandimet e ENQA-s
Komisioni Evropian, në Raportin për Kosovës që u publikua më 12.10.2022 në Bruksel, ka thënë se Agjencia e Kosovës për Akreditim ka zbatuar rekomandimet e Asociacionit Evropian të Sigurimit të Cilësisë në Arsimin e Lartë (ENQA) që lidhen me pavarësi institucionale dhe financiare.
“Pas përjashtimit nga Asociacioni Evropian për Sigurimin e Cilësisë në Arsimin e Lartë, Agjencia Kosovare e Akreditimit (AKA) ka zbatuar rekomandimet që kanë të bëjnë me pavarësinë institucionale dhe financiare, si dhe rritjen e numrit të stafit”, thuhet në Raportin e Komisionit Evropian për Kosovë.
Pavarësia institucionale dhe financiare dhe rritja e kapaciteteve humane kanë qenë rekomandimet kryesore të cilat AKA i ka zbatuar për të marrë statusin “affiliate” në ENQA.
Raporti i Komisionit Evropian flet edhe për përkushtimin dhe suksesin e Agjencisë së Akreditimit për zbatimin e rekomandimeve për kthim në ENQA dhe Regjistrin Evropian për Sigurimin e Cilësisë në Arsimin e Lartë (EQAR).
“Agjencia Kosovare e Akreditimit vazhdoi përpjekjet për të rifituar anëtarësimin në Asociacionin Evropian për Sigurimin e Cilësisë në Arsimin e Lartë dhe Regjistrin Evropian të Sigurimit të Cilësisë për Arsimin e Lartë”, thuhet në raportin e Komisionit Evropian.
Raporti i Komisionit Evropian e ka mirëpritur vendimin e Ministres së Arsimit, Shkencës, Teknologjisë dhe Inovacionit, Arbërie Nagavci për luftimin e plagjiaturës.
“Ministria (e Arsimit) ka miratuar një vendim për përputhshmërinë e punimeve shkencore dhe publikimeve të personelit akademik me etikën në kërkimin shkencor, duke i detyruar udhëheqësit e programeve (akademike) të ngarkojnë kërkimet e tyre në platforma të indeksuara përpara akreditimit të programeve të tyre”, thuhet në raport.
Komisioni Evropian i ka bërë thirrje Kuvendit të Kosovës që sa më parë ta miratoj Ligjin për AKA-në.
“Ligji për AAK ende nuk është miratuar nga Kuvendi… Kosova duhet të miratojë Ligjin për Agjencinë e Akreditimit, për të rritur pavarësinë e saj operative dhe transparencën e emërimeve të menaxhmentit të AKA-së”, thuhet në raport.
Në pjesën e raportit që flitet për AKA-në, Komisioni Evropian ka rekomanduar që të vazhdojë procesi i procedurave pas-akredituese për monitorimin e institucioneve të arsimit të lartë, të cilën AKA është duke e zbatuar me shumë përpikëri.
Agjencia e Akreditimit e çmon pjesën e Raportit të Komisionit Evropian në pjesën ku flitet për punën e AKA-së dhe e konsideron si motivues për stafin për të vazhduar më me përkushtim punën për ngritjen e cilësisë në arsimin e lartë.
Antare e plotë në:
![20200520182616888-thumb[1]](https://akreditimi.rks-gov.net/wp-content/uploads/2020/10/20200520182616888-thumb1-300x132.jpg)
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
KSHC shqyrtoi raportet e ekspertëve ndërkombëtarë të akreditimit
Në mbledhjen e 124-të me radhë, të mbajtur më 25 qershor 2024, Këshilli Shtetëror i Cilësisë (KSHC) i Agjencisë së Kosovës për Akreditim (AKA), i ka shqyrtuar raportet e ekspertëve ndërkombëtarë të akreditimit dhe ka [...]
Delegacioni i AKA-së po merr pjesë në Asamblenë e INQAAHE në Bukuresht
Një delegacion i Agjencisë së Kosovës për Akreditim (AKA) po merr pjesë në punimet e Asamblesë së Rrjetit Ndërkombëtar për Agjencitë e Sigurimit të Cilësisë në Arsimin e Lartë (INQAAHE) dhe në Forumin 2024, që [...]
Këshilli Shtetëror i Cilësisë shqyrtoi dhe vendosi për disa raporte të ekspertëve ndërkombëtarë
Këshilli Shtetëror i Cilësisë (KShC) i Agjencisë së Kosovës për Akreditim (AKA), mbajti më 20.05.2024 mbledhjen e 123-të me radhë në të cilën ka shqyrtuar disa raporte të ekspertëve ndërkombëtarë të akreditimit dhe ka marrë [...]
AKA falënderon Agjencinë ADA për përkrahje në ngritjen e kapaciteteve teknike
Drejtori i Përgjithshëm i Agjencisë së Kosovës për Akreditim (AKA), Naim Gashi, gjatë një pritje që i bëri në Prishtinë, Menaxherit të Programit të Agjencisë për Zhvillim të Austrisë (ADA), Miguel Alves De Morais Neto, [...]
AKA dhe THEQC diskutojnë mundësitë e bashkëpunimit
Një delegacion i Agjencisë së Kosovës për Akreditim (AKA) ka marrë pjesë në Konferencën ndërkombëtare të Këshillit të Turqisë për Cilësinë në Arsim e Lartë (THEQC) dhe ka zhvilluar takime me drejtues të agjencive homologe [...]
KShC aprovoi Manualin e ri të akreditimit
Këshilli Shtetëror i Cilësisë (KSHC) i Agjencisë së Kosovës për Akreditim (AKA) në mbledhjen jashtëzakonshme të mbajtur më 29.04.2024, e ka miratuar Rregulloren për Manualin e Akreditimit, i cili është në harmoni me standardet e [...]