Kosova dhe Finlanda diskutojnë bashkëpunimin në fushën e sigurimit të cilësisë në arsimin e lartë
Një delegacion i Agjencisë së Kosovës për Akreditim (KAA), në datat 6, 7 dhe 8 mars 2024, vizitoi institucionet dhe palët e përfshira në sigurimin e cilësisë në arsimin e lartë në Helsinki dhe Tampere të Finlandës. Qëllimi kryesor ishte marrja e përvojave për praktikave të mira të sigurimit të cilësisë.
Finlanda ka tradita dekadash në avancimin e cilësisë në universitetet e kërkimeve dhe universitetet e shkencave të aplikuar përmes auditimit dhe një gamë të ndryshme të qasjeve të vlerësimit. FINEEC, e cila është agjencia homologe finlandeze e AKA-së, ishte nikoqire kryesore e vizitës së studimit. Kryetarja e Këshillit Shtetëror të Cilësisë, profesoresha Hasnije Ilazi dhe Drejtori i AKA-së, Naim Gashi, propozuan bashkëpunimin mes dy agjencive.
Një nga potencialet e identifikuar të bashkëpunimit është inkurajimi i ekspertëve finlandezë për të aplikuar për tu bërë pjesë në ekipet e vlerësimit të jashtëm të AKA-së. Vizita e studimit vazhdoi edhe me unionet studentore finlandeze që marrin pjesë aktivisht në proceset e sigurimit të cilësisë, kryesisht duke deleguar përfaqësuesit e tyre në grupet e punës dhe organet vendimmarrëse në nivel universitetesh dhe në nivel kombëtar. Perspektiva e studentëve për cilësinë është një element i rëndësishëm i kulturës së cilësisë finlandeze.
Delegacioni i AKA-së gjithashtu vizitoi udhëheqësit dhe stafin e menaxhimit të cilësisë në Universitetin e Helsinkit dhe Universitetin e Tampere-s. Nikoqirët paraqitën përvojën dhe praktikat e mira në organizimin e cilësisë së brendshme në universitetet respektive.
Delegacioni kosovar bëri ftesat për profesorët finlandezë të marrin pjesë në konferencën e përvitshme ndërkombëtare të AKA-së në shtator 2024. Kështu, përvoja e rëndësishme finlandeze do të ndahet gjithashtu me komunitetin e arsimit të lartë në Kosovë.
Antare e plotë në:
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
AKA vlerësohet publikisht në Konferencën mbarëamerikane në Memphis
Në ditën e fundit të konferencës vjetore të organizuar nga Association of Technology, Management, and Applied Engineering (ATMAE), me pjesëmarrjen e përfaqësuesve të një numri të madh universitetesh nga shumë shtete amerikane, Agjencia e Akreditimit [...]
Cristina Ghițulică zgjidhet Presidente e re e ENQA
Asambleja e Përgjithshme e Asociacionit Evropian për Sigurimin e Cilësisë në Arsimin e Lartë (ENQA) ka zgjedhur më 23.10.2025 drejtoreshën e Agjencisë Rumune për Sigurimin e Cilësisë në Arsimin e Lartë (ARACIS), Cristina Ghițulică, Presidente [...]
AKA pjesë e Konferencës Vjetore të ATMAE – Asociacionit për Teknologji, Menaxhment dhe Inxhinieri të Aplikuar
Kryetarja e Këshillit Shtetëror të Cilësisë (KSHC), Prof. Asoc. Hasnije Ilazi, dhe Drejtori i Departamentit për Vlerësim dhe Akreditim, z. Arianit Krasniqi, morën pjesë në Konferencën Vjetore të Asociacionit për Teknologji, Menaxhment dhe Inxhinieri të [...]
Agjencia e Kosovës për Akreditim miratoi Politikat e Privatësisë
Prishtinë, 20 tetor 2025 – Agjencia e Kosovës për Akreditim (AKA) ka miratuar Politikat e Privatësisë, një dokument institucional që përcakton mënyrën e mbledhjes, përpunimit dhe mbrojtjes së të dhënave personale në përputhje me Ligjin [...]
Kosova prezantohet në Tiranë si shembull suksesi për cilësinë në arsimin e lartë
Tiranë, 10 tetor 2025 – Drejtori i Përgjithshëm i Agjencisë së Kosovës për Akreditim (AKA), z. Naim Gashi, mori pjesë si panelist dhe moderator në Konferencën e Politikave të BE-së “Përparimi i sigurimit të cilësisë [...]
Publikohet analiza tematike: Përmirësimi i kërkimit shkencor përmes mekanizmave të cilësisë
Prishtinë, 9 tetor 2025 – Me pjesëmarrjen e përfaqësuesve të institucioneve të arsimit të lartë, Agjencia e Kosovës për Akreditim (AKA) ka publikuar analizën e saj të re tematike me titull “Përmirësimi i kërkimit shkencor [...]










