Kosova dhe Kroacia intensifikojnë bashkëpunimin për ngritjen e cilësisë në arsimin e lartë
Një delegacion i Agjencisë së Kosovës për Akreditim (AKA), është pritur në Zagreb nga drejtues të Agjencisë së Kroacisë për Shkencë në Arsimin e Lartë (AZVO), ku është biseduar për intensifikimin e bashkëpunimit për ngritjen e cilësisë në arsimin e lartë.
Delegacioni i Kosovës përbëhej nga Kryetarja e Këshilli Shtetëror i Cilësisë (KShC), profesoresha Hasnije Ilazi, anëtarët e KShC-së, profesoresha Maja Martinovic dhe Dukagjin Zeka si dhe nga drejtori i AKA-së, Naim Gashi.
Nikoqir i këtij takimi ishte drejtoresha e AZVO, Sandra Bezjak dhe bashkëpunëtorët e saj.
Në këtë takim palët kanë vlerësuar si shumë të rëndësishëm përkrahjen e AZVO për AKA-në nëpërmes projektit të Bashkimit Evropian TAIEX, ndërsa janë dakorduar që pala kroate të përkrahë Agjencinë e Akreditimit edhe në procesin e rishikimit të standardeve të nivelit bachelor dhe master.
Kryetarja e KShC-së, profesoresha Ilazi e ka falënderuar palën kroate për përkrahjen e AKA-së në fushën e avancimit të standardeve të cilësisë. Ajo tha se ekspertët kroatë të angazhuar në procesin e akreditimit në Kosovë, po japin kontribut të çmuar për sistemin e arsimit të lartë.
Drejtoresha e AZVO, Sandra Bezjak tha se AKA ka bërë një përparim të madh për plotësimin e rekomandimeve për kthim në Asociacionit Evropian të Sigurimit të Cilësisë në Arsimin e Lartë (ENQA) dhe Regjistrin Evropian për Sigurimin e Cilësisë në Arsimin e Lartë (EQAR). Ajo ka thënë se AZVO përkrahë AKA për kthim në këta dy mekanizma ndërkombëtarë.
Antare e plotë në:
![20200520182616888-thumb[1]](https://akreditimi.rks-gov.net/wp-content/uploads/2020/10/20200520182616888-thumb1-300x132.jpg)
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
KSHC shqyrtoi raportet e ekspertëve ndërkombëtarë të akreditimit
Në mbledhjen e 124-të me radhë, të mbajtur më 25 qershor 2024, Këshilli Shtetëror i Cilësisë (KSHC) i Agjencisë së Kosovës për Akreditim (AKA), i ka shqyrtuar raportet e ekspertëve ndërkombëtarë të akreditimit dhe ka [...]
Delegacioni i AKA-së po merr pjesë në Asamblenë e INQAAHE në Bukuresht
Një delegacion i Agjencisë së Kosovës për Akreditim (AKA) po merr pjesë në punimet e Asamblesë së Rrjetit Ndërkombëtar për Agjencitë e Sigurimit të Cilësisë në Arsimin e Lartë (INQAAHE) dhe në Forumin 2024, që [...]
Këshilli Shtetëror i Cilësisë shqyrtoi dhe vendosi për disa raporte të ekspertëve ndërkombëtarë
Këshilli Shtetëror i Cilësisë (KShC) i Agjencisë së Kosovës për Akreditim (AKA), mbajti më 20.05.2024 mbledhjen e 123-të me radhë në të cilën ka shqyrtuar disa raporte të ekspertëve ndërkombëtarë të akreditimit dhe ka marrë [...]
AKA falënderon Agjencinë ADA për përkrahje në ngritjen e kapaciteteve teknike
Drejtori i Përgjithshëm i Agjencisë së Kosovës për Akreditim (AKA), Naim Gashi, gjatë një pritje që i bëri në Prishtinë, Menaxherit të Programit të Agjencisë për Zhvillim të Austrisë (ADA), Miguel Alves De Morais Neto, [...]
AKA dhe THEQC diskutojnë mundësitë e bashkëpunimit
Një delegacion i Agjencisë së Kosovës për Akreditim (AKA) ka marrë pjesë në Konferencën ndërkombëtare të Këshillit të Turqisë për Cilësinë në Arsim e Lartë (THEQC) dhe ka zhvilluar takime me drejtues të agjencive homologe [...]
KShC aprovoi Manualin e ri të akreditimit
Këshilli Shtetëror i Cilësisë (KSHC) i Agjencisë së Kosovës për Akreditim (AKA) në mbledhjen jashtëzakonshme të mbajtur më 29.04.2024, e ka miratuar Rregulloren për Manualin e Akreditimit, i cili është në harmoni me standardet e [...]