Këshilli Shtetëror i Cilësisë (KShC) i Agjencisë së Kosovës për Akreditim (AKA) në mbledhjen e 132-të të mbajtur më 9 dhe 10 dhjetor 2024, ka vazhduar procesin e shqyrtimit të aplikacioneve për akreditim të programeve të studimit dhe ka vendosur lidhur me to.

Aprovimi i aplikacioneve është kriter i cili hapë rrugë vlerësimin e programeve të studimit nga ekspertët ndërkombëtarë të akreditimit.

Janë shqyrtuar dhe është vendosur edhe për dy raporte të ekspertëve ndërkombëtarë për akreditim institucional.

Në këtë mbledhje KSHC ka shqyrtuar edhe ankesat dhe kërkesat e institucioneve të arsimit të lartë në Republikën e Kosovës.

KSHC ka vendosur për modalitetet e krijimit të Komitetit Këshillëdhënës për KSHC-në, i cili ka qenë edhe rekomandim i ekspertëve të Asociacionit Evropian për Sigurimin e Cilësisë në Arsimin e Lartë (ENQA) gjatë procesit të vlerësimit.