Mbi 2400 staf akademik deklarohen në platformën e AKA-së E Akreditimi
Kastriot Ilazi, administrator i sistemeve të teknologjisë së informacionit në Agjencinë e Kosovës për Akreditim (AKA), ka konfirmuar më 25.07.2024, se që nga 1 korriku 2024 kur është hapur platforma E Akreditimi, janë deklaruar me sukses mbi 2400 staf akademik nga të gjitha institucionet e arsimit të lartë në Republikën e Kosovës.
Sipas Ligjit për AKA-në deklarimi i stafit akademik dhe aplikimi për procesin e akreditimit dhe riakreditimit për vitin e ardhshëm akademik bëhet nga data 1 deri më 31 korrik 2024.
Që nga 1 korriku kur është hapur platforma e deklarimit, AKA ka mbajtur trajnime me koordinatorët e institucioneve të arsimit të lartë dhe ka ofruar përkrahje teknike me mbi 120 përgjigje me emaila dhe mbi 200 përkrahje teknike nëpërmes bisedave telefonike.
AKA ju bën thirrje të gjitha institucioneve të arsimit të lartë, që të shfrytëzojnë afatin ligjor deri më 31 korrik 2024 për të bërë deklarimin e stafit akademik dhe për të aplikuar për procesin e akreditimit dhe riakredimit.
Platforma E Akreditimit është avancuar dhe modernizuar gjatë këtij viti me financimin e Agjencisë Austriake për Zhvillim (ADA), nëpërmes Projektit HEI 25. Të gjitha të dhënat e deklarimit të stafit do të ruhen në sistem dhe nga viti i ardhshëm do të thjeshtësohet procesi i deklarimit.
Nëpërmes platformës së re E Akreditimit, është modernizuar sistemi, është rritur siguria kibernetike dhe është avancuar dukshëm përpunimi i të dhënave.
Antare e plotë në:
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
Fillon procesi i vlerësimit për akreditim për vitin akademik 2027/2028
Agjencia e Kosovës për Akreditim (AKA) ka filluar procesin e vlerësimit për akreditim për vitin akademik 2027/2028. Vlerësimi i parë për këtë vit akademik është realizuar në Universitetin e Prishtinës, nga ekspertë ndërkombëtarë, për programin [...]
AKA dhe MASh diskutojnë për rolin e Agjencisë në Strategjinë e Arsimit 2035+
Në kuadër të procesit të hartimit të Strategjisë së re të Arsimit në Republikën e Kosovës 2035+, Ministri i Arsimit dhe Shkencës, Hajrullah Çeku, së bashku me Sekretarin e Përgjithshëm të Ministrisë, Naim Gashi, vizituan [...]
KShC/AKA raportojnë para Komisionit për Arsim dhe Shkencë të Kuvendit të Republikës së Kosovës
Më 9 nëntor 2026, Këshilli Shtetëror i Cilësisë (KShC) dhe Agjencia e Kosovës për Akreditim (AKA) raportuan para Komisionit për Arsim dhe Shkencë të Kuvendit të Republikës së Kosovës, ku u shqyrtuan raportet vjetore të [...]
AKA organizon punëtori për avancimin e dokumenteve dhe proceseve institucionale
Agjencia e Kosovës për Akreditim (AKA), gjatë periudhës 28–31 tetor 2026, organizoi një punëtori me qëllim të shqyrtimit, plotësimit dhe finalizimit të dokumenteve të rëndësishme për funksionimin dhe avancimin e proceseve institucionale të Agjencisë. Gjatë [...]
Këshilli Shtetëror i Cilësisë (KShC) mbajti mbledhjen e 155-të
Më 26 tetor 2026, Këshilli Shtetëror i Cilësisë (KShC) i Agjencisë së Kosovës për Akreditim (AKA) mbajti mbledhjen e tij të 155-të të rregullt. Gjatë mbledhjes u shqyrtuan çështje të rëndësishme që lidhen me proceset [...]
AKA merr pjesë në Asamblenë e Përgjithshme të ENQA 2026 në Las Palmas de Gran Canaria, Spanjë
Prof. Avni Berisha, President i Këshillit Shtetëror të Cilësisë (KShC), dhe Arianit Krasniqi, Drejtor i Përgjithshëm i Agjencisë së Kosovës për Akreditim (AKA), morën pjesë në Asamblenë e Përgjithshme të Asociacionit Evropian për Sigurimin e [...]





