Udhëheqësi i Divizionit për Procedura Pas-akredituese në Agjencinë e Kosovës për Akreditim (AKA), Milot Hasangjekaj, i ka prezantuar përvojat e suksesshëm të AKA-së për procedurat pas-akredituese në takimin e rregull të Rrjetit të Agjencive të Sigurimit të Cilësisë në Arsimin e Lartë të Evropës Qendrore dhe Lindore (CEENQA).

“Procedurat pas-akreditimit organizohen për të siguruar që institucionet e arsimit të lartë të ruajnë standardet e tyre të cilësisë gjatë gjithë periudhës së akreditimit. Ky proces kryhet me ekspertë ndërkombëtarë, të cilët zakonisht janë nga ekipi fillestar i akreditimit, për të vlerësuar përparimin dhe përputhshmërinë”, ka thënë Hasangjekaj në prezantimin e tij.

Procedurat pas-akredituese në AKA synojnë ngritjen e vazhdueshme të cilësisë në programet e akredituara dhe verifikimin e zbatimit të rekomandimeve të dhëna nga ekspertët ndërkombëtarë gjatë procesit fillestar të akreditimit.​

Sipas këtyre procedurave, të gjitha institucionet e arsimit të lartë janë të detyruara të dorëzojnë në AKA një plan për zbatimin e rekomandimeve të marra gjatë procesit të akreditimit.

Gjatë vizitave të planifikuara në IAL me ekspertë ndërkombëtarë, të cilat mund të jenë fizike ose në distancë, institucionet duhet të paraqesin një plan përmirësimi që tregon masat e ndërmarra për të adresuar rekomandimet e mëparshme. Pas vizitës, ekspertët ndërkombëtarë hartojnë një raport që shqyrtohet dhe miratohet nga Bordin e AKA-së, dhe më pas publikohet në faqen zyrtare.

Pjesëmarrja e AKA-së në këtë takim nënvizon angazhimin e vazhdueshëm të agjencisë për shkëmbim të praktikave më të mira dhe bashkëpunim ndërkombëtar në fushën e sigurimit të cilësisë.

https://www.ceenqa.org/twenty-sixth-bi-monthly-meeting/