AKA ka hapur platformën për aplikim për akreditim dhe deklarim të stafit akademik
Në përputhje me afatin e përcaktuar ligjor, Agjencia e Kosovës për Akreditim (AKA) ka hapur zyrtarisht platformën për aplikim për akreditim institucional dhe të programeve studimore, si dhe për deklarimin e stafit akademik për vitin akademik 2025/2026.
Aplikimi do të jetë i hapur deri më 31 korrik 2025.
Institucionet e arsimit të lartë (IAL) duhet të sigurohen që të përfshijnë deklarimin e stafit për të gjitha programet e akredituara dhe të aplikojnë për procesin e akreditimit, riakreditimit dhe validimit për ciklin e ardhshëm.
Gjithashtu, ato duhet të garantojnë që deklarimi i stafit akademik të jetë në përputhje me kriteret ligjore dhe me rregulloren e AKA-së.
Platforma E-akreditimi ofron një proces tërësisht i digjitalizuar dhe i integruar, që u mundëson institucioneve të arsimit të lartë të aplikojnë më shpejt, më sigurt dhe më efikas. Përmes kësaj platforme, verifikimi i dokumenteve dhe i marrëdhënieve të punës së stafit akademik realizohet automatikisht, duke garantuar transparencë dhe efikasitet, në bashkëpunim edhe me institucionet shtetërore si Agjencia e Regjistrit Civil (ARC) dhe Administrata Tatimore e Kosovës (ATK).
Për të mbështetur institucionet gjatë gjithë periudhës së aplikimit, AKA do të ofrojë asistencë teknike në çdo kohë përmes ekipeve të saj profesionale.
Institucionet që hasin në ndonjë vështirësi gjatë përdorimit të platformës apo procesit të aplikimit, mund të kontaktojnë AKA-në për sqarime dhe ndihmë gjatë gjithë periudhës së aplikimit.
Antare e plotë në:
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
Fillon procesi i vlerësimit për akreditim për vitin akademik 2027/2028
Agjencia e Kosovës për Akreditim (AKA) ka filluar procesin e vlerësimit për akreditim për vitin akademik 2027/2028. Vlerësimi i parë për këtë vit akademik është realizuar në Universitetin e Prishtinës, nga ekspertë ndërkombëtarë, për programin [...]
AKA dhe MASh diskutojnë për rolin e Agjencisë në Strategjinë e Arsimit 2035+
Në kuadër të procesit të hartimit të Strategjisë së re të Arsimit në Republikën e Kosovës 2035+, Ministri i Arsimit dhe Shkencës, Hajrullah Çeku, së bashku me Sekretarin e Përgjithshëm të Ministrisë, Naim Gashi, vizituan [...]
KShC/AKA raportojnë para Komisionit për Arsim dhe Shkencë të Kuvendit të Republikës së Kosovës
Më 9 nëntor 2026, Këshilli Shtetëror i Cilësisë (KShC) dhe Agjencia e Kosovës për Akreditim (AKA) raportuan para Komisionit për Arsim dhe Shkencë të Kuvendit të Republikës së Kosovës, ku u shqyrtuan raportet vjetore të [...]
AKA organizon punëtori për avancimin e dokumenteve dhe proceseve institucionale
Agjencia e Kosovës për Akreditim (AKA), gjatë periudhës 28–31 tetor 2026, organizoi një punëtori me qëllim të shqyrtimit, plotësimit dhe finalizimit të dokumenteve të rëndësishme për funksionimin dhe avancimin e proceseve institucionale të Agjencisë. Gjatë [...]
Këshilli Shtetëror i Cilësisë (KShC) mbajti mbledhjen e 155-të
Më 26 tetor 2026, Këshilli Shtetëror i Cilësisë (KShC) i Agjencisë së Kosovës për Akreditim (AKA) mbajti mbledhjen e tij të 155-të të rregullt. Gjatë mbledhjes u shqyrtuan çështje të rëndësishme që lidhen me proceset [...]
AKA merr pjesë në Asamblenë e Përgjithshme të ENQA 2026 në Las Palmas de Gran Canaria, Spanjë
Prof. Avni Berisha, President i Këshillit Shtetëror të Cilësisë (KShC), dhe Arianit Krasniqi, Drejtor i Përgjithshëm i Agjencisë së Kosovës për Akreditim (AKA), morën pjesë në Asamblenë e Përgjithshme të Asociacionit Evropian për Sigurimin e [...]





