Kryetarja e Këshillit Shtetëror të Cilësisë (KSHC), profesoresha Hasnije Ilazi dhe Drejtori i Përgjithshëm i Agjencisë së Kosovës për Akreditim (AKA), Naim Gashi, kanë pritur më 28.08.2025, në delegacion të Ambasadës Amerikane në Prishtinë, në përbërje të and znj. Rebecca Satterfield, zëvendës zyrtare për çështje publike dhe znj. Remzije Potoku, eksperte për politika të edukimit.

Në takim kanë marrë pjesë edhe Lenda Hyseni, udhëheqëse e Divizionit për Vlerësim dhe Akreditim si dhe Fjollë Ajeti, koordinatore e AKA-së për anëtarësim në Këshilli për Akreditimin e Arsimit të Lartë të Shteteve të Bashkuara (CHEA).

Kryetarja Ilazi i ka falënderuar delegacionin e Ambasadës Amerikane për përkrahjen e vazhdueshme të AKA në zbatimin e standardeve ndërkombëtare, ndërsa drejtori Gashi i ka falënderuar për financimin e projekteve të cilat kanë ndikuar në ngritjen e kapaciteteve teknike të AKA-së.

Znj. Satterfield e ka uruar AKA-në për regjistrimin në Regjistrit Evropian për Sigurimin e Cilësisë në Arsimin e Lartë (EQAR), duke e cilësuar këtë ngjarje shumë të rëndësishme për sistemin e arsimit të lartë në Kosovë.

Gjatë takimit është biseduar për vazhdimin e përkrahjes së AKA-së nga Ambasada Amerikane në projekte që kanë për qëllim ndërkombëtarizimin e sistemit të arsimit në Kosovë.