AKA përfiton nga përvoja kroate në fushën e sigurimit të cilësisë në arsimin e lartë
Me përkrahjen e projektit të Komisionit Evropian TAIEX, drejtoresha Agjencisë së Akreditimit të Kroacisë, Sandra Bezjak, për tri ditë me radhë ka qëndruar në punëtorinë e organizuar nga Agjencia e Kosovës për Akreditim (AKA), ku është diskutuar për sigurimin e cilësisë në arsimin e lartë dhe marrjen e përvojave kroate për kthimin e AKA-së në Asociacionit Evropian të Sigurimit të Cilësisë në Arsimin e Lartë (ENQA) dhe regjistrimin në Regjistrin Evropian për Sigurimin e Cilësisë në Arsimin e Lartë (EQAR).
Pjesë e kësaj punëtorie kanë qenë i gjithë Këshilli Shtetëror i Cilësisë (KShC) dhe i gjithë stafi i AKA-së, ku janë trajtuar në detaje të arriturat e AKA-së dhe janë diskutuar prioritetet në të ardhmen.
Kryetarja e KShC-së, profesoresha Hasnije Ilazi ka thënë se përvojat kroate në sigurimin e cilësisë në arsimin e lartë, ndërkombëtarizimi i procesit të arsimit dhe ngritja e kapaciteteve të AKA-së, janë prioritete të përbashkëta.
Kryetarja Ilazi e ka falënderuar drejtoreshën Bezjak për përkrahjen e AKA-së në procesin e avancimit të standardeve të akreditimit dhe përmirësimin e proceseve në harmoni me standardet evropiane të cilësisë (ESG). Profesoresha Ilazi ka thënë se dhjetëra ekspertë eminentë kroatë janë përfshirë në procesin e akreditimit në Kosovë, duke dhënë kontribut në ngritjen e cilësisë në arsimin e lartë.
Drejtoresha kroate Sandra Bezjak ka thënë se është kënaqësi e saj të jetë në Kosovë për të parë progresin e arritur nga Agjencia e Akreditimit në sigurimin e cilësisë në arsimin e lartë. Ajo ka thënë se gjatë tri ditëve të shkuara ka diskutuar me kolegët kosovarë, në një dialog të hapur për të kontribuar në ngritjen e kulturës së cilësisë në arsimin e lartë.
Drejtoresha kroate e Agjencisë së Akreditimit është edhe vlerësuese e lartë e ENQA.
Antare e plotë në:
![20200520182616888-thumb[1]](https://akreditimi.rks-gov.net/wp-content/uploads/2020/10/20200520182616888-thumb1-300x132.jpg)
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
Kosova prezantohet në Tiranë si shembull suksesi për cilësinë në arsimin e lartë
Tiranë, 10 tetor 2025 – Drejtori i Përgjithshëm i Agjencisë së Kosovës për Akreditim (AKA), z. Naim Gashi, mori pjesë si panelist dhe moderator në Konferencën e Politikave të BE-së “Përparimi i sigurimit të cilësisë [...]
Publikohet analiza tematike: Përmirësimi i kërkimit shkencor përmes mekanizmave të cilësisë
Prishtinë, 9 tetor 2025 – Me pjesëmarrjen e përfaqësuesve të institucioneve të arsimit të lartë, Agjencia e Kosovës për Akreditim (AKA) ka publikuar analizën e saj të re tematike me titull “Përmirësimi i kërkimit shkencor [...]
𝐌𝐛𝐥𝐞𝐝𝐡𝐣𝐚 𝐞 𝟏𝟒𝟐-𝐭ë 𝐞 𝐊ë𝐬𝐡𝐢𝐥𝐥𝐢𝐭 𝐒𝐡𝐭𝐞𝐭ë𝐫𝐨𝐫 𝐭ë 𝐂𝐢𝐥ë𝐬𝐢𝐬ë 𝐭ë 𝐀𝐊𝐀-𝐬ë
Këshilli Shtetëror i Cilësisë (KSQ) i Agjencisë së Kosovës për Akreditim (AKA), më 08.10.2025, ka përfunduar mbledhjen e rregullt të 142-të, në të cilën janë shqyrtuar disa çështje të rëndësishme që lidhen me proceset e [...]
Agjencia e Akreditimit filloi procesin e monitorimit për vitin akademik 2025/2026
Agjencia e Kosovës për Akreditim (AKA), përmes Divizionit të Monitorimit, ka filluar zbatimin e procesit të monitorimit për vitin akademik 2025/2026. Gjatë kësaj periudhe, ekipi i AKA-së do të zhvillojë vizita informuese në të gjitha [...]
Agjencia e Akreditimit i bashkohet fushatës për vetëdijesim kundër kancerit të gjirit 🎗️
Në kuadër të muajit tetor, i njohur si Muaji i vetëdijesimit kundër kancerit të gjirit, stafi i Agjencisë së Kosovës për Akreditim (AKA) është bashkuar me fushatën globale të ndërgjegjësimit, duke mbajtur kordele rozë si [...]
Punëtori njëditore për Strategjinë e AKA-së 2026–2030
Më datën 1 tetor 2025, Agjencia e Kosovës për Akreditim, me përkrahje të programit SHER, organizoi punëtorinë njëditore për finalizimin e draftit të Planit Strategjik të AKA-së 2026–2030. Punëtoria u organizua me qëllim të përfshirjes [...]