AKA prezantoi në Madrid përfitimet nga procesi i vlerësimit të ENQA
Drejtuesit e Agjencisë së Kosovës për Akreditim (AKA) morën pjesë në seminarin e organizuar nga Asociacioni Evropian për Sigurimin e Cilësisë në Arsimin e Lartë (ENQA), ku prezantuan përvojën e Kosovës në procesin e vlerësimit të jashtëm dhe ndikimin e tij në përmirësimin e cilësisë në arsimin e lartë.
Nikoqir i këtij seminari ishte Agjencia Kombëtare për Vlerësimin dhe Akreditimin e Cilësisë në Spanjë (ANECA), ndërsa kanë marrë pjesë përfaqësues të ENQA, Regjistrit Evropian për Sigurimin e Cilësisë në Arsimin e Lartë (EQAR) dhe përfaqësuesit e agjencive nga mbarë Evropa.
Delegacioni i Kosovës u përfaqësua nga Kryetarja e Këshillit Shtetëror të Cilësisë (KSHC), profesoresha Hasnije Ilazi; Drejtori i Përgjithshëm i AKA-së, Naim Gashi; dhe Drejtori për Monitorim dhe Procedura Pas-akredituese, Shkelzen Gërxhaliu.
Gjatë prezantimit të tyre, përfaqësuesit e AKA-së theksuan konsensusin e gjerë kombëtar në Kosovë për sigurimin e cilësisë në arsimin e lartë, duke nënvizuar se procesi i vlerësimit nga ENQA ka shërbyer si katalizator për përmirësimin e politikave dhe zbatimin e standardeve evropiane për sigurimin e cilësisë (ESG).
Ata theksuan se ky proces ka ndihmuar AKA-në në avancimin e procedurave të saj të vlerësimit, në fuqizimin e transparencës dhe në ndërtimin e një kulture të përgjegjshmërisë institucionale.
Ngjarja në Madrid kishte për qëllim të ofronte udhëzime të vlefshme për agjencitë që pritet t’i nënshtrohen një rishikimi të jashtëm nga pranvera e vitit 2025 deri në vitin 2027. Pjesëmarrësit diskutuan mbi metodologjitë e rishikimeve të plota dhe të synuara, praktikat e mira në hartimin e raporteve të vetëvlerësimit dhe rëndësinë e një përgatitjeje të thelluar për procesin e vlerësimit.
Përfaqësuesit e AKA-së e vlerësuan këtë seminar si një mundësi të rëndësishme për shkëmbimin e përvojave dhe për forcimin e bashkëpunimit me agjenci të tjera evropiane, me qëllim avancimin e vazhdueshëm të cilësisë në arsimin e lartë të Kosovës.
Antare e plotë në:
![20200520182616888-thumb[1]](https://akreditimi.rks-gov.net/wp-content/uploads/2020/10/20200520182616888-thumb1-300x132.jpg)
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
AKA prezantoi në Madrid përfitimet nga procesi i vlerësimit të ENQA
Drejtuesit e Agjencisë së Kosovës për Akreditim (AKA) morën pjesë në seminarin e organizuar nga Asociacioni Evropian për Sigurimin e Cilësisë në Arsimin e Lartë (ENQA), ku prezantuan përvojën e Kosovës në procesin e vlerësimit [...]
Diskutim Publik për Rregulloren për Monitorim dhe Procedura Pas Akredituese
Në bazë të nenit 39, nenit 40, paragrafi 1, nënparagrafi 1.9. dhe neni 40, paragrafi 3 i Ligjit Nr. 08/L-110 për Agjencinë e Kosovës për Akreditim (Gazeta Zyrtare e Republikës së Kosovës Nr. 13, 29 [...]
Përvojat e suksesshme të AKA-së për procedurat pas-akredituese prezantohen në CEENQA
Udhëheqësi i Divizionit për Procedura Pas-akredituese në Agjencinë e Kosovës për Akreditim (AKA), Milot Hasangjekaj, i ka prezantuar përvojat e suksesshëm të AKA-së për procedurat pas-akredituese në takimin e rregull të Rrjetit të Agjencive të [...]
KSHC miratoi Rregulloren për Validim dhe atë për Monitorim dhe Pas-akreditim
Në mbledhjen e 135-të të rregullt, të mbajtur më 10 mars 2025, Këshilli Shtetëror i Cilësisë (KSHC) i Agjencisë së Kosovës për Akreditim (AKA) ka miratuar versionin përfundimtar të Rregullores për Validim, si dhe ka [...]
Agjencia e Kosovës për Akreditim të gjithë mësimdhënësve ju uron 7 Marsin Ditën e Mësuesit
Agjencia e Kosovës për Akreditim të gjithë mësimdhënësve ju uron 7 Marsin Ditën e Mësuesit dhe 8 Marsin Ditën e Gruas.
AKA rishikon Rregulloren e Monitorimit dhe Procedurave Pas-Akredituese
AKA rishikon Rregulloren e Monitorimit dhe Procedurave Pas-Akredituese Këshilli Shtetëror i Cilësisë (KSHC) dhe personeli i Agjencisë së Kosovës për Akreditim (AKA), në punëtorinë e mbajtur më 03.03.2025, kanë rishikuar Rregulloren e Monitorimit dhe Procedurave [...]