Lajmet e fundit

Published On: 11 Shtator, 2025

Kosova dhe Kroacia thellojnë bashkëpunimin në fushën e cilësisë në arsim

Më 10 shtator 2025, në ambientet e Agjencisë së Kosovës për Akreditim (AKA), Kryetarja e Këshillit Shtetëror të Cilësisë (KShC), prof. Hasnije Ilazi, dhe Drejtori i Përgjithshëm, z. Naim Gashi, pritën në takim Ambasadoren e Kroacisë në Kosovë, znj. Danijela Barišić.
Drejtuesit e AKA-së e falënderuan ambasadoren për mbështetjen e vazhdueshme që shteti kroat i ka dhënë Agjencisë në përmbushjen e standardeve evropiane për regjistrimin në Regjistrin Evropian për Sigurimin e Cilësisë në Arsimin e Lartë (EQAR).
Ambasadorja Barišić uroi drejtuesit e AKA-së për regjisttrimin në EQAR, duke e cilësuar këtë një arritje madhore për shtetin e Kosovës, për Agjencinë dhe për sistemin e arsimit të lartë në vend. Ajo theksoi se përkrahja e Kroacisë do të vazhdojë edhe në të ardhmen.
Me këtë rast, Kryetarja e KShC-së ndau një mirënjohje për Ambasadën e Kroacisë, në shenjë falënderimi për kontributin e çmuar dhe mbështetjen e vazhdueshme që kjo ambasadë i ka dhënë AKA-së gjatë procesit të anëtarësimit në EQAR.
Kryetarja Ilazi theksoi se agjencia homologe kroate Agjencia për Shkencë dhe Arsim të Lartë (ASHE) ka ofruar vazhdimisht ekspertizë profesionale për ngritjen e kapaciteteve teknike, rregullative dhe institucionale të AKA-së në zbatimin e standardeve evropiane të cilësisë. Ajo shprehu mirënjohje edhe për propozimin e Ambasadës së Kroacisë lidhur me emërimin e prof. Maja Martinović në Bordin e KShC-së, e cila po kontribuon në zhvillimin e Agjencisë.
Nga ana e tij, Drejtori Gashi vlerësoi Kroacinë dhe agjencinë homologe ASHE si modele të funksionimit në fushën e sigurimit të cilësisë në arsimin e lartë. Ai theksoi se një numër i konsiderueshëm ekspertësh kroatë të akreditimit janë angazhuar në proceset e vlerësimit në Kosovë, duke kontribuar në përmirësimin dhe avancimin e programeve të studimit.
Në fund të takimit, Ambasadorja Barišić, e shoqëruar nga Dr. Nedjeljko Špilek, Zëvendësshef i Misionit në Ambasadën e Kroacisë, vizitoi hapësirat e reja të Agjencisë dhe u njoh nga afër me stafin e AKA-së.

Antare e plotë në:

Më Shumë Nga Lajmet e Fundit

Cristina Ghițulică zgjidhet Presidente e re e ENQA

24 Tetor, 2025|

Asambleja e Përgjithshme e Asociacionit Evropian për Sigurimin e Cilësisë në Arsimin e Lartë (ENQA) ka zgjedhur më 23.10.2025 drejtoreshën e Agjencisë Rumune për Sigurimin e Cilësisë në Arsimin e Lartë (ARACIS), Cristina Ghițulică, Presidente [...]

𝐌𝐛𝐥𝐞𝐝𝐡𝐣𝐚 𝐞 𝟏𝟒𝟐-𝐭ë 𝐞 𝐊ë𝐬𝐡𝐢𝐥𝐥𝐢𝐭 𝐒𝐡𝐭𝐞𝐭ë𝐫𝐨𝐫 𝐭ë 𝐂𝐢𝐥ë𝐬𝐢𝐬ë 𝐭ë 𝐀𝐊𝐀-𝐬ë

8 Tetor, 2025|

Këshilli Shtetëror i Cilësisë (KSQ) i Agjencisë së Kosovës për Akreditim (AKA), më 08.10.2025, ka përfunduar mbledhjen e rregullt të 142-të, në të cilën janë shqyrtuar disa çështje të rëndësishme që lidhen me proceset e [...]