KSHC ka aprovuar Metodologjinë e monitorimit dhe procedurat pasakredituese
Këshilli Shtetëror i Cilësisë (KShC) i Agjencisë së Kosovës për Akreditim (AKA) në mbledhjen e 96-të, të mbajtur më 21.02.2022, ka aprovuar Metodologjinë e monitorimit dhe procedurat pasakredituese.
Pas një pune dyvjeçare ku kanë qenë të përfshirë të gjithë akterët e arsimit të lartë në Kosovë, KShC ka aprovuar Metodologjinë e monitorimit të institucioneve të arsimit të lartë në Kosovë, duke plotësuar kështu edhe rekomandimin e fundit të Asociacionit Evropian të Sigurimit të Cilësisë në Arsimin e Lartë (ENQA).
Metodologjia e miratuar sot plotëson Standardin 2.3 të Udhëzuesve Evropian të Sigurimit të Cilësisë në Arsimin e Lartë (ESG) i cili kërkon që agjencitë e sigurimit të cilësisë të përmbyllin ciklin e akreditimit me procedura pasakredituese të cilat kanë për qëllim përmirësimin e vazhdueshëm të cilësisë së institucioneve të arsimit të lartë.
Monitorimi është proces formal i kryer nga AKA përmes së cilit vlerësohet se institucioni i arsimit të lartë mirëmban dhe vazhdon të plotësojë, rekomandimet e vlerësuesve të jashtëm dhe kushtet e dhëna të akreditimit si dhe zbaton standardet e Manualit të Akreditimit.
Ndërsa “Procedura pasakredituese” është proces i cili kufizohen në verifikimin e kushteve të akreditimit dhe konfirmimin e shkallës së përmbushjes së rekomandimeve nga AKA dhe zotimeve nga IAL dhe jo në rivlerësimin e standardeve të Manualit të Akreditimit.
Miratimi i Metodologjisë së Monitorimit është bërë me përkrahjen e Projektit QAINT dhe me financimin nga Agjencia ADA të Austrisë. Ky dokument ishte rekomandimi i fundit që Komisioni Evropian kishte bërë ndaj AKA-së.
Në mbledhjen e sotme të KShC-së është diskutuar për zbatimin e Planit dinamik të këtij institucioni dhe është konstatuar se të gjitha aktivitetet e parapara tashmë janë zbatuar në afatin e përcaktuar.
Konform legjislacionit në fuqi, KShC ka shqyrtuar të gjitha kërkesat dhe ankesat e institucioneve të arsimit të lartë.
Në këtë mbledhje është caktuar edhe dinamika e aktiviteteve për rishikimin e standardeve të reja në nivelin bachelor dhe master.
Antare e plotë në:
Më Shumë Nga Lajmet e Fundit
KSHC vizitoi Universitetin “Ukshin Hoti” për të thelluar bashkëpunimin në fushën e cilësisë
Më 16 qershor 2025, një delegacion i Këshillit Shtetëror të Cilësisë (KSHC) të Agjencisë së Kosovës për Akreditim (AKA) realizoi një vizitë zyrtare në Universitetin “Ukshin Hoti” në Prizren. Gjatë kësaj vizite, përfaqësuesit e KSHC-së [...]
KSHC vazhdoi shqyrtimin e raporteve të ekspertëve ndërkombëtarë të akreditimit
Më 16 qershor 2025, Këshilli Shtetëror i Cilësisë (KSHC) i Agjencisë së Kosovës për Akreditim (AKA) mbajti mbledhjen e 138-të me radhë, në të cilën u shqyrtuan raportet e ekspertëve ndërkombëtarë të angazhuar në procesin [...]
AKA pjesë e punëtorisë së ENQA për përdorimin e inteligjencës artificiale
Përfaqësues të Agjencisë së Kosovës për Akreditim (AKA) morën pjesë në punëtorinë e organizuar nga Asociacioni Evropian për Sigurimin e Cilësisë në Arsimin e Lartë (ENQA), e cila u mbajt më 11 dhe 12 qershor [...]
Kosova dhe Maqedonia e Veriut thellojnë bashkëpunimin në fushën e sigurimit të cilësisë në AL
Një delegacion i Agjencisë për Cilësi në Arsimin e Lartë të Maqedonisë së Veriut është pritur në Agjencinë e Kosovës për Akreditim (AKA), ku të dy palët janë dakorduar për forcimin e bashkëpunimit rajonal në [...]
Miratohet dizajni dhe struktura e ueb-faqes së re të Agjencisë së Akreditimit
Më 29 maj 2025, në kuadër të një punëtorie të organizuar nga Agjencia e Kosovës për Akreditim (AKA), është miratuar dizajni dhe struktura e ueb-faqes së re të institucionit. Zhvillimi i ueb-faqes së re do [...]
Miratohet Plani i Integritetit i Agjencisë së Kosovës për Akreditim
Në punëtorinë e mbajtur më 28 maj 2025, Agjencia e Kosovës për Akreditim (AKA) ka miratuar Planin e Integritetit, i cili synon përmirësimin e funksionimit të Agjencisë përmes forcimit të përgjegjshmërisë institucionale, thjeshtimit të procedurave, [...]