Përfundoi me sukses procesi i deklarimit të stafit akademik në platformën “E-Akreditimi”
Agjencia e Kosovës për Akreditim (AKA) më 31.07.2025 e ka përfunduar me sukses procesin e deklarimit të stafit akademik në platformën elektronike E-Akreditimi, në përputhje me obligimet që dalin nga Ligji për AKA.
Gjatë periudhës 1–31 korrik 2025, 2983 anëtarë të stafit akademik nga të gjitha institucionet e arsimit të lartë në Republikën e Kosovës janë deklaruar me sukses në këtë platformë.
Ky proces është mbështetur teknikisht nga Agjencia Shtetërore për Informacion (ASHI), e cila menaxhon dhe mirëmban infrastrukturën digjitale dhe serverët e platformës “E-Akreditimi”.
Gjithashtu, stafi profesional i AKA-së, i udhëhequr nga z. Kastriot Ilazi, administrator i lartë për sisteme softuerike dhe bazë të të dhënave, ka ofruar asistencë teknike përmes emailit për 332 profesorë, si dhe ka ofruar ndihmë përmes komunikimeve telefonike për më shumë se 250 raste individuale.
Për të lehtësuar këtë proces, para hapjes zyrtare të platformës, AKA ka organizuar sesione trajnimi për koordinatorët e cilësisë në të gjitha institucionet e arsimit të lartë të akredituara në Kosovë, me qëllim të informimit dhe orientimit të tyre në përdorimin e platformës dhe në mbështetjen e stafit akademik gjatë procesit të deklarimit.
Agjencia e Kosovës për Akreditim shpreh falënderim të veçantë për koordinatorët institucionalë të cilësisë, për përkushtimin dhe bashkëpunimin e treguar, duke kontribuar që ky proces të përfundojë me efikasitet dhe transparencë të plotë.
Antare e plotë në:
![20200520182616888-thumb[1]](https://akreditimi.rks-gov.net/wp-content/uploads/2020/10/20200520182616888-thumb1-300x132.jpg)
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
AKA dhe Ambasada e SHBA-së diskutojnë për vazhdimin e bashkëpunimit
Kryetarja e Këshillit Shtetëror të Cilësisë (KSHC), profesoresha Hasnije Ilazi dhe Drejtori i Përgjithshëm i Agjencisë së Kosovës për Akreditim (AKA), Naim Gashi, kanë pritur më 28.08.2025, në delegacion të Ambasadës Amerikane në Prishtinë, në [...]
Këshilli Shtetëror i Cilësisë shqyrton aplikacione të reja për akreditim institucional dhe të programeve
Në mbledhjen e rregullt 141 të mbajtur më dt. 21 gusht 2025, Këshilli Shtetëror i Cilësisë ka filluar me shqyrtimin e aplikacioneve për akreditim institucional dhe të programeve për vitin 2026. Gjithsej janë trajtuar gjashtë [...]
Përfundoi me sukses procesi i deklarimit të stafit akademik në platformën “E-Akreditimi”
Agjencia e Kosovës për Akreditim (AKA) më 31.07.2025 e ka përfunduar me sukses procesin e deklarimit të stafit akademik në platformën elektronike E-Akreditimi, në përputhje me obligimet që dalin nga Ligji për AKA. Gjatë periudhës [...]
Këshilli Shtetëror i Cilësisë mban mbledhjen e 140-të të rregullt
Më 24 korrik 2025, Këshilli Shtetëror i Cilësisë (KSHC) i Agjencisë së Kosovës për Akreditim (AKA) mbajti mbledhjen e tij të 140-të të rregullt në të cilën i ka diskutuar disa pika te rendit te [...]
Agjencia e Kosovës për Akreditim regjistrohet në EQAR
Prishtinë, 14 Korrik 2025 – Agjencia e Kosovës për Akreditim (AKA) është regjistruar në Regjistrin Evropian për Sigurimin e Cilësisë në Arsimin e Lartë (EQAR), pas vlerësimit pozitiv nga ekipi i pavarur i ekspertëve të [...]
Publikohet Rregullorja e Re për Standardet e Programeve të Doktoratës (PhD)
Agjencia e Kosovës për Akreditim (AKA) ka publikuar në uebfaqen zyrtare Rregulloren për Standardet e Vlerësimit të Programeve të Doktoratës (PhD), e miratuar nga Këshilli Shtetëror i Cilësisë (KShC) në mbledhjen e mbajtur më 30 [...]