Publikohet Rregullorja e Re për Standardet e Programeve të Doktoratës (PhD)
Agjencia e Kosovës për Akreditim (AKA) ka publikuar në uebfaqen zyrtare Rregulloren për Standardet e Vlerësimit të Programeve të Doktoratës (PhD), e miratuar nga Këshilli Shtetëror i Cilësisë (KShC) në mbledhjen e mbajtur më 30 qershor 2025. Rregullorja e cila ka hyrë në fuqi do të jetë bazë ligjore për të gjitha proceset e akreditimit të programeve të doktoratës në Republikën e Kosovës.
Kjo rregullore është rezultat i një procesi gjithëpërfshirës dhe konsultativ me institucionet e arsimit të lartë në vend, dhe është në përputhje të plotë me Standardet dhe Udhëzuesit Evropianë për Sigurimin e Cilësisë në Arsimin e Lartë (ESG).
Rregullorja përcakton 44 standarde, prej të cilave 26 janë thelbësore (obligative) dhe 18 janë shtesë, të organizuara në shtatë fusha vlerësimi:
- Struktura institucionale, mbështetja administrative dhe financimi;
- Kriteret e përzgjedhjes dhe pranimit;
- Struktura/përmbajtja e programit të doktoratës;
- Mjedisi dhe kapaciteti kërkimor;
- Mbikëqyrja;
- Vlerësimi; dhe
- Rezultatet e kërkimit shkencor.
Programet që do të jenë plotësisht në përputhje me standardet, mund të marrin akreditim deri në 5 vjet, ndërsa ato me përputhje të substanciale deri në 3 vjet. Programet që nuk arrijnë standardet thelbësore nuk do të akreditohen.
Rregullorja thekson rëndësinë e: mbikëqyrjes cilësore, integritetit kërkimor dhe etikës shkencore, mobilitetit akademik, si dhe pjesëmarrjes aktive në kërkime ndërkombëtare dhe publikime në revista të indeksuara në WoS dhe/ose Scopus.
Përmes këtij dokumenti strategjik, AKA synon të garantojë cilësi të lartë dhe përputhje ndërkombëtare të studimeve të doktoratës në Kosovë, duke kontribuar në zhvillimin e një shoqërie të bazuar në dije dhe inovacion.
Udhëheqëse e ekipit të ekspertëve për rishikimin e standardeve të reja ka qenë profesoresha Melita Kovacevic.
Rishikimi i këtyre standardeve është bërë me mbështetjen e Programit SHER, i cili financohet nga Agjencia Austriake për Zhvillim (ADA) dhe bashkë-financohet nga Ministria e Arsimit, Shkencës, Teknologjisë dhe Inovacionit, dhe zbatohet nga konsorciumi WUS Austria, ZSI dhe OeAD.
Për të lexuar Rregulloren e plotë, klikoni këtu: Rregullorja për Standardet PhD
Antare e plotë në:
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
Fillon procesi i vlerësimit për akreditim për vitin akademik 2027/2028
Agjencia e Kosovës për Akreditim (AKA) ka filluar procesin e vlerësimit për akreditim për vitin akademik 2027/2028. Vlerësimi i parë për këtë vit akademik është realizuar në Universitetin e Prishtinës, nga ekspertë ndërkombëtarë, për programin [...]
AKA dhe MASh diskutojnë për rolin e Agjencisë në Strategjinë e Arsimit 2035+
Në kuadër të procesit të hartimit të Strategjisë së re të Arsimit në Republikën e Kosovës 2035+, Ministri i Arsimit dhe Shkencës, Hajrullah Çeku, së bashku me Sekretarin e Përgjithshëm të Ministrisë, Naim Gashi, vizituan [...]
KShC/AKA raportojnë para Komisionit për Arsim dhe Shkencë të Kuvendit të Republikës së Kosovës
Më 9 nëntor 2026, Këshilli Shtetëror i Cilësisë (KShC) dhe Agjencia e Kosovës për Akreditim (AKA) raportuan para Komisionit për Arsim dhe Shkencë të Kuvendit të Republikës së Kosovës, ku u shqyrtuan raportet vjetore të [...]
AKA organizon punëtori për avancimin e dokumenteve dhe proceseve institucionale
Agjencia e Kosovës për Akreditim (AKA), gjatë periudhës 28–31 tetor 2026, organizoi një punëtori me qëllim të shqyrtimit, plotësimit dhe finalizimit të dokumenteve të rëndësishme për funksionimin dhe avancimin e proceseve institucionale të Agjencisë. Gjatë [...]
Këshilli Shtetëror i Cilësisë (KShC) mbajti mbledhjen e 155-të
Më 26 tetor 2026, Këshilli Shtetëror i Cilësisë (KShC) i Agjencisë së Kosovës për Akreditim (AKA) mbajti mbledhjen e tij të 155-të të rregullt. Gjatë mbledhjes u shqyrtuan çështje të rëndësishme që lidhen me proceset [...]
AKA merr pjesë në Asamblenë e Përgjithshme të ENQA 2026 në Las Palmas de Gran Canaria, Spanjë
Prof. Avni Berisha, President i Këshillit Shtetëror të Cilësisë (KShC), dhe Arianit Krasniqi, Drejtor i Përgjithshëm i Agjencisë së Kosovës për Akreditim (AKA), morën pjesë në Asamblenë e Përgjithshme të Asociacionit Evropian për Sigurimin e [...]





