Publikohet Rregullorja e Re për Standardet e Programeve të Doktoratës (PhD)
Agjencia e Kosovës për Akreditim (AKA) ka publikuar në uebfaqen zyrtare Rregulloren për Standardet e Vlerësimit të Programeve të Doktoratës (PhD), e miratuar nga Këshilli Shtetëror i Cilësisë (KShC) në mbledhjen e mbajtur më 30 qershor 2025. Rregullorja e cila ka hyrë në fuqi do të jetë bazë ligjore për të gjitha proceset e akreditimit të programeve të doktoratës në Republikën e Kosovës.
Kjo rregullore është rezultat i një procesi gjithëpërfshirës dhe konsultativ me institucionet e arsimit të lartë në vend, dhe është në përputhje të plotë me Standardet dhe Udhëzuesit Evropianë për Sigurimin e Cilësisë në Arsimin e Lartë (ESG).
Rregullorja përcakton 44 standarde, prej të cilave 26 janë thelbësore (obligative) dhe 18 janë shtesë, të organizuara në shtatë fusha vlerësimi:
- Struktura institucionale, mbështetja administrative dhe financimi;
- Kriteret e përzgjedhjes dhe pranimit;
- Struktura/përmbajtja e programit të doktoratës;
- Mjedisi dhe kapaciteti kërkimor;
- Mbikëqyrja;
- Vlerësimi; dhe
- Rezultatet e kërkimit shkencor.
Programet që do të jenë plotësisht në përputhje me standardet, mund të marrin akreditim deri në 5 vjet, ndërsa ato me përputhje të substanciale deri në 3 vjet. Programet që nuk arrijnë standardet thelbësore nuk do të akreditohen.
Rregullorja thekson rëndësinë e: mbikëqyrjes cilësore, integritetit kërkimor dhe etikës shkencore, mobilitetit akademik, si dhe pjesëmarrjes aktive në kërkime ndërkombëtare dhe publikime në revista të indeksuara në WoS dhe/ose Scopus.
Përmes këtij dokumenti strategjik, AKA synon të garantojë cilësi të lartë dhe përputhje ndërkombëtare të studimeve të doktoratës në Kosovë, duke kontribuar në zhvillimin e një shoqërie të bazuar në dije dhe inovacion.
Udhëheqëse e ekipit të ekspertëve për rishikimin e standardeve të reja ka qenë profesoresha Melita Kovacevic.
Rishikimi i këtyre standardeve është bërë me mbështetjen e Programit SHER, i cili financohet nga Agjencia Austriake për Zhvillim (ADA) dhe bashkë-financohet nga Ministria e Arsimit, Shkencës, Teknologjisë dhe Inovacionit, dhe zbatohet nga konsorciumi WUS Austria, ZSI dhe OeAD.
Për të lexuar Rregulloren e plotë, klikoni këtu: Rregullorja për Standardet PhD
Antare e plotë në:
Më Shumë Nga Lajmet e Fundit
AKA po vazhdon procesin e monitorimit të IAL-ve në Kosovë
Një ekip i Divizionit të Monitorimit i Agjencisë së Kosovës për Akreditim (AKA), më 26.02.2026, realizoi vizita monitoruese në programet Infermieri, Farmaci dhe Shëndeti Publik në Fakultetin e Mjekësisë në Universitetin e Prishtinës, në kuadër [...]
Universiteti i Prizrenit dhe AKSP akreditohen për pesë vjet
Këshilli Shtetëror i Cilësisë (KShC) i Agjencisë së Kosovës për Akreditim (AKA), në mbledhjen e mbajtur më 23.02.2026, pasi ka shqyrtuar raportet e ekspertëve ndërkombëtarë ka vendosur për akreditimin për pesë vjet të Universitetit “Ukshin [...]
AKA nikoqire e panelit vlerësues ndërkombëtar nga CHEA e SHBA-së
Agjencia e Kosovës për Akreditim (AKA) ka qenë nikoqire e një paneli vlerësues amerikan nga Këshilli për Akreditimin e Arsimit të Lartë (CHEA) i Shteteve të Bashkuara të Amerikës, në kuadër të procesit për njohje [...]
Kosova po bashkëpunon me Malajzinë dhe Singaporin për cilësinë në arsimin e lartë
Me ftesë të Kryetarit të Agjencisë së Kualifikimeve të Malajzisë (MQA), Zaini Ujang, Drejtori i Përgjithshëm i Agjencisë së Kosovës për Akreditim (AKA), Naim Gashi, i shoqëruar nga dekani i Fakultetit të Studimeve Islame (FSI) [...]
Pas EQAR-it, AKA përparon drejt njohjes ndërkombëtare nga CHEA në SHBA
Agjencia e Kosovës për Akreditim (AKA) është në proces të vlerësimit për t’u bërë autoritet i njohur dhe anëtar i Këshillit për Akreditimin e Arsimit të Lartë (CHEA) në Shtetet e Bashkuara të Amerikës. Gjatë [...]
Agjencia e Kosovës për Akreditim publikon spotet promovuese për punën e saj
Agjencia e Kosovës për Akreditim (AKA), në bashkëpunim me studentët e Fakultetit të Inxhinierisë Elektronike dhe Kompjuterike të Universitetit të Prishtinës, si dhe me përkrahje teknike nga Fakulteti i Gazetarisë i UP-së, ka përgatitur video-spote [...]