AKA merr përkrahje nga ENQA dhe EQAR për zbatimin e standardeve evropiane në arsimin e lartë
Një delegacion i Agjencisë së Kosovës për Akreditim (AKA), i përbërë nga Kryetarja e Këshillit Shtetëror të Cilësisë (KShC), profesoresha Hasnije Ilazi; Zëvendëskryetari i KShC-së, profesori Klemen Miklavic; Drejtori i Përgjithshëm i AKA-së, Naim Gashi dhe anëtari i KShC-së, profesori Gëzim Tosuni, për tri ditë me radhë kanë qëndruar për vizitë zyrtare në Bruksel ku janë takuar me krerët e Asociacionit Evropian për Sigurimin e Cilësisë në Arsimin e Lartë (ENQA), Regjistrin Evropian për Sigurimin e Cilësisë në Arsimin e Lartë (EQAR) dhe institucione tjera të rëndësishme në fushën e arsimit.
Delegacioni nga Kosova ka marrë përkrahje nga ENQA dhe EQAR për punën e bërë në fushën e sigurimit të cilësisë në arsimin e lartë, zbatimin në praktikë të Standardeve dhe Udhëzuesve Evropian (ESG), si dhe plotësimin e rekomandimeve të ENQA.
Në ditën e parë të vizitës, në takime me institucione shumë të rëndësishme në Bruksel, kanë marrë pjesë Ministrja e MASHTI-it, Arbërie Nagavci dhe Kryetari i Komisionit Parlamentar për Arsim, Ardian Gola.
Vizita është përkrahur nga Projekti Heras Plus, i financuar nga Agjencia për Zhvillim Ndërkombëtar e Austrisë – ADA. Në takimet në Bruksel kanë marrë pjesë edhe z. Aqim Emurli, udhëheqës i projektit Heras Plus në Kosovë dhe eksperti i Projektit, Bastian Baumann nga Gjermania.
Në ditën e parë delegacioni nga Kosova është pritur nga Presidenti i EQAR-it, Karl Dittrich, drejtorja e EQAR-t, Magalie Soenen dhe zëvendësdrejtorja Melinda Szabó.
Delegacioni i Kosovës është pritur edhe nga drejtorja e ENQA, Anna Gover, ku është diskutuar për punën e AKA në zbatimin e standardeve evropiane të cilësisë.
Një tjetër takim shumë i rëndësishëm është zhvilluar me z. Patrick Van den Bosch drejtorin e Këshillit Flaman për Arsimin e Lartë (VLUHR).
Delegacioni i AKA-së është takuar edhe me Lucien Bollaert, nga Universiteti Gent i Belgjikës. Në takime të veçanta delegacioni kosovar është pritur edhe nga Asociacioni Evropian i Universiteteve (EUA), Agjencia për Sigurimin e Cilësisë në Arsimin e Lartë (AEQES) dhe Organizata e Akreditimit për Holandë dhe Flandri (NVAO).
Antare e plotë në:
Më Shumë Nga Lajmet e Fundit
Transformimi Digjital i AKA-së prezantohet si shembull i suksesshëm në revistën e CEENQA
Agjencia e Kosovës për Akreditim (AKA) ka pasur nderin të jetë pjesë e numrit të fundit të Revistës së Rrjetit të Agjencive të Sigurimit të Cilësisë në Arsimin e Lartë të Evropës Qendrore dhe Lindore [...]
Ekipi i Agjencisë së Kosovës për Akreditim në Aktivitetet Ndërkombëtare të ENQA
Një ekip i Agjencisë së Kosovës për Akreditim (AKA) i përbërë nga Shpresa Shala dhe Fjollë Ajeti, më 11 dhe 12 dhjetor 2024, kanë marrë pjesë në dy ngjarje të rëndësishme ndërkombëtare të organizuara nga [...]
Kuvendi i Kosovës e zgjodhi Shkurtë Bajrgorën anëtare studente të KSHC-së
Në seancën e mbajtur më 05.12.2024, Kuvendi i Kosovës me shumicë votash e ka zgjedhur znj. Shkurtë Bajgora anëtare të Këshillit Shtetëror të Cilësisë (KShC) të Agjencisë së Kosovës për Akreditim (AKA). Ky vendim i [...]
KSHC miratoi raportin e ekspertëve për akreditimin institucional të Universitetit të Prishtinës
Këshilli Shtetëror i Cilësisë (KShC) i Agjencisë së Kosovës për Akreditim (AKA), në mbledhjen e mbajtur më 11.12.2024, e ka aprovuar raportin e ekspertëve ndërkombëtarë për akreditimin institucional për pesë vite të Universitetit të Prishtinës. [...]
KSHC shqyrtoi aplikacionet për akreditim të programeve të studimit
Këshilli Shtetëror i Cilësisë (KShC) i Agjencisë së Kosovës për Akreditim (AKA) në mbledhjen e 132-të të mbajtur më 9 dhe 10 dhjetor 2024, ka vazhduar procesin e shqyrtimit të aplikacioneve për akreditim të programeve [...]
AKA do të përfitojë nga përvoja kroate për ngritjen e cilësisë në arsimin e lartë
Drejtori i Përgjithshëm i Agjencisë së Kosovës për Akreditim (AKA), Naim Gashi, ka pritur më 03.12.2024 në takim, znj. Marina Grubišić, Udhëheqëse e Divizionit për Vlerësim dhe znj. Mia Đikić, Udhëheqëse e Divizionit për Hulumtim [...]