Akreditimi

Agjencia e Kosovës për Akreditim (AKA) e mirëpret vendimin e Këshillit Drejtues të Universitetit të Prishtinës për t’ua ndaluar profesorëve me kontrata të rregullta në UP të angazhohen si staf në kolegje private. Vendimi i KD të UP-së ka të bëjë edhe me ndalesën e stafit akademik që të deklarohen në AKA si staf jo i rregullt në institucione private, dhe të përfshihen në çfarëdo forme në procesin e akreditimit, përveç në UP. Për AKA-në ky vendim ndikon drejtpërdrejt në ngritjen e cilësisë së programeve studimore në Kosovë duke hapë rrugë për përfshirjen e kuadrove të reja në institucionet e arsimit [...]

Këshilli Shtetëror i Cilësisë dhe stafi i Agjencisë së Kosovës për Akreditim në përputhje me Strategjinë dhe planin e aktiviteteve të AKA, ka mbajtur një punëtori treditore gjatë të cilës ka prodhuar draftin e parë të rishikimit të standardeve dhe udhëzuesve për akreditim institucional dhe programor. Rishikimin e standardeve e ka fasilituar një ekip ekspertësh ndërkombëtar dhe vendor, ndërsa i tërë procesi është përkrahur nga projekti HERAS+. Gjate muajve në vijim Drafti me standarde të rishikuara do të përcillet te institucionet e arsimit të lartë dhe palët tjera të interesit për debat publik, pas të cilit KShC do të merr vendim [...]

Këshilli Shtetëror i Cilësisë (KShC) i Agjencisë së Kosovës për Akreditim (AKA) ka mbajtur më 13.07.2023 mbledhjen e 114-të me radhë në të cilën janë shqyrtuar dhe është vendosur për raportet e ekspertëve ndërkombëtarë të akreditimit në nivel të programeve të studimit.Në këtë mbledhje KShC ka shqyrtuar edhe kërkesat dhe ankesat e institucioneve të arsimit të lartë. Gjatë ditës të gjitha institucionet e arsimit të lartë janë njoftuar me vendimet e KShC-së.Pas vendimeve të sotme të KShC-së hapet rruga për shpalljen e konkurseve për pranimin e studentëve në programet e akredituara në të gjitha institucionet e arsimit të lartë në Republikën [...]

Këshilli Shtetëror i Cilësisë (KShC) i Agjencisë së Kosovës për Akreditim (AKA), ka raportuar më 04.07.2023 në Komisioni për Arsim, Shkencë, Teknologji, Inovacion, Kulturё, Rini dhe Sport të Kuvendit të Kosovës. Në mbledhjen e drejtuar nga Kryetari i Komisionit, Ardian Gola, Kryetarja e KShC-së, profesoresha Hasnije Ilazi, ka prezantuar punën e Këshillit për vitin 2022 dhe vizionin për vitin 2023. Ajo ka thënë se viti 2022 është shumë i suksesshëm për faktin se AKA ka fituar statusin affiliate në Asociacionit Evropian për Sigurimin e Cilësisë në Arsimin e Lartë (ENQA), në bazë të zbatimit të standardeve dhe punës profesionale. Sipas Kryetares [...]

Me qëllim të shkëmbimeve në fushën e cilësisë në arsimin e lartë, ekipi i Agjencisë së Kosovës për Akreditim dhe i Qendrës NARIC-Kosova, kanë qëndruar për tri ditë në një vizitë studimore në Republikën e Çekisë. Ky projekt është përkrahur nga Higher Education Intervention 2025 Project (HEI 25), i financiar nga Agjencia për Zhvillim Ndërkombëtar e Austrisë (ADA). Gjatë vizitës në Qendrën ENIC-NARIC të Çekisë është diskutuar për procedurat e njohjes dhe ekuivalentimit të diplomave dhe si për nxitjen e bashkëpunimit ndërmjet Kosovës dhe Çekisë. Si rezultat i besimit të dokumenteve të lëshuara nga institucionet e Kosovës, sipas homologëve çekë, deri [...]

Një delegacion i Agjencisë së Kosovës për Akreditim (AKA), i përbërë nga Kryetarja e Këshillit Shtetëror të Cilësisë (KShC), profesoresha Hasnije Ilazi; Zëvendëskryetari i KShC-së, profesori Klemen Miklavic; Drejtori i Përgjithshëm i AKA-së, Naim Gashi dhe anëtari i KShC-së, profesori Gëzim Tosuni, për tri ditë me radhë kanë qëndruar për vizitë zyrtare në Bruksel ku janë takuar me krerët e Asociacionit Evropian për Sigurimin e Cilësisë në Arsimin e Lartë (ENQA), Regjistrin Evropian për Sigurimin e Cilësisë në Arsimin e Lartë (EQAR) dhe institucione tjera të rëndësishme në fushën e arsimit. Delegacioni nga Kosova ka marrë përkrahje nga ENQA dhe EQAR [...]

Për herë të parë nga themelimi i saj, Agjencia e Kosovës për Akreditim (AKA) bëhet me ligj. Më datën 07.06.2023 në Kuvendin e Kosovës është votuar Ligji për Agjencinë e Kosovës për Akreditim. Miratimi i këtij ligji garanton pavarësinë institucionale dhe financiare të AKA-së, ndikon drejtpërdrejt në ngritjen e cilësisë në arsimin e lartë, internacionalizimin e sistemit tonë të arsimit dhe hapë rrugë për kthimin e AKA-së në Asociacionin Evropian për Sigurimin e Cilësisë në Arsimin e Lartë (ENQA) dhe Regjistrin Evropian për Rritje të Cilësisë në Arsimin e Lartë (EQAR). Ky Ligj është miratuar pas një pune të gjatë dhe [...]

Drejtori i Përgjithshëm i Agjencisë së Kosovës për Akreditim, Naim Gashi, nga data 30 maj deri më 1 qershor 2023 ka qenë nikoqir i një delegacioni nga Agjencia e Akreditimit e Austrisë (AQ Austria), i drejtuar nga dr. Maria Weber, drejtoreshë për Akreditim dhe Bashkëpunim Ndërkombëtar dhe Barbara Schinwald, Departamenti për Akreditim. AQ Austria në kuadër të një projekti të përbashkët, të financuar nga Agjencia Austriake për Zhvillim Ndërkombëtar ADA, po e përkrahë AKA-në për rritjen e kapaciteteve të saj dhe plotësimin e kritereve për kthim në Asociacionit Evropian për Sigurimin e Cilësisë në Arsimin e Lartë (ENQA) dhe Regjistrit Evropian [...]

Zyrtari i Lartë për Vlerësim dhe Monitorim në Agjencinë e Kosovës për Akreditim (AKA), Shkelzen Gërxhaliu, po qëndron në Dusseldorf të Gjermanisë si pjesë e shkëmbimit të stafit me agjencinë homologe gjermane, Agjencia e Akreditimit për Programet e Studimit në Inxhinieri, Informatikë, Shkenca Natyrore dhe Matematikë (ASIIN). Gjatë këtij qëndrimi Gërxhaliu do të jetë pjesë e panelit vlerësues në disa universitete. Ky shkëmbim i stafit është mundësuar nga Rrjeti i Evropës Qëndrore të Agjencive për Akreditim (CEENQA) në bashkëpunim me Agjencinë Gjermane të Akreditimit ASIIN. Përveq zhvillimit profesional dhe ngritjes së kapaciteteve kadrovike, ky shkëmbim i stafit do të shfrytëzohet edhe [...]

Agjencia e Kosovës për Akreditim (AKA) dhe Rektorati i Universitetit të Prishtinë kanë organizuar më 16.05.2023 një sesion informues lidhur me standardet dhe procesin e akreditimit të programeve akademike, në të cilin kanë marrë pjesë koordinatorët e sigurimit të cilësisë dhe bartësit e programeve akademike nga të gjitha njësitë akademike të UP-së. Kryetarja e Këshillit Shtetëror të Cilësisë (KShC), profesoresha Hasnije Ilazi, ka thënë se AKA ka krijuar një kohezion nacional lidhur me cilësinë në sistemin e arsimit të lartë, dhe ky momentum ka gjetur përkrahje të fuqishme edhe nga donatorët dhe partnerët ndërkombëtarë. Kryetarja Ilazi tha se gjithëpërfshirja, partneriteti dhe [...]