AKA – ASCAL do të bashkëpunojnë për ngritjen e cilësisë në arsimin e lartë
Drejtuesit e Agjencisë së Kosovës për Akreditim (AKA) dhe Agjencisë së Sigurimit të Cilësisë në Arsimin e Lartë (ASCAL) në Shqipëri, gjatë një takimi të zhvilluar në Tiranë janë dakorduar që të bashkëpunojnë në fushën e ngritjen e cilësisë në arsimin e lartë ndërmjet dy shtetet.
Delegacioni i AKA-së, i përbërë nga Kryetarja e Këshillit Shtetëror të Cilësisë (KShC), profesoresha Hasnije Ilazi; drejtori i AKA-së, Naim Gashi dhe anëtari i KShC-së, profesori Dukagjin Zeka, janë pritur në takim nga drejtoresha e ASCAL-it në Shqipëri, Xhiliola Bixheku dhe Erjon Xhako, Sekretar i Bordit të Akreditimit.
Përfaqësuesit e dy shteteve kanë identifikuar fushat përkatëse të bashkëpunimit, me qëllim të rritjes së kapaciteteve të AKA-së dhe ASCAL në funksion të rritjes së cilësisë në arsimin e lartë.
Kryetarja e KShC-së, profesoresha Ilazi tha se gjatë këtij viti është hartuar Plani Strategjik i Agjencisë, është krijuar metodologjia e monitorimit dhe procedurave pasakredituese, si dhe është hartuar plani detal i digjitalizimit të përgjithshëm të proceseve të akreditimit.
Kreu u KShC-së tha se në funksion të plotësimit të rekomandimeve të Asociacionit Evropian të Sigurimit të Cilësisë në Arsimin e Lartë (ENQA), është krijuar edhe metodologjia e analizave tematike, është krijuar manuali për ekspertë të jashtëm dhe janë krijuar procedurat e sigurimit të brendshëm të cilësisë në AKA.
Kryetarja Ilazi e njoftoi drejtoreshën Bixheku se në vjeshtën e vitit të ardhshëm AKA do të organizojë një konferencë rajonale të agjencive të akreditimit e cila do të trajtojë tema të ngritjes së cilësisë në arsimin e lartë.
Drejtoresha e ASCAL, Xhiliola Bixheku tha se Kosova ka bërë progres në fushën e sigurimit të cilësisë në arsimin e lartë dhe presin bashkëpunim për shkëmbimin e dokumenteve dhe përvojave të suksesshme.
AKA dhe ASCAL janë dakorduar për fillimin e procedurave për përpilimin e një marrëveshje bashkëpunimi në nivel të dy agjencive. Të dy institucionet janë dakorduar që menjëherë të fillojë procesi i shkëmbimit të informatave për verifikimin e stafit akademik në të dy vendet.
Antare e plotë në:
![20200520182616888-thumb[1]](https://akreditimi.rks-gov.net/wp-content/uploads/2020/10/20200520182616888-thumb1-300x132.jpg)
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
Konferenca e AKA-së prezantohet nga ENQA dhe agjenci të njohura në Evropë
Konferenca ndërkombëtare e Agjencisë së Kosovës për Akreditim (AKA), e mbajtur në Prishtinë më 26.09.2023 është prezantuar në profilin zyrtar të Asociacionit Evropian për Sigurimin e Cilësisë në Arsimin e Lartë (ENQA) në Linkedln. “ENQA: [...]
Fjalimi i Kryetares së Këshillit Shtetëror të Cilësisë (KShC), profesoreshës Hasnije Ilazi, në Konferencën ndërkombëtare të AKA-së
Prishtinë, 26.09.2023 I nderuar Kryeministër i Republikës së Kosovës, z. Albin Kurti, E nderuara Ministre e Arsimit, Shkencës, Teknologjisë dhe Inovacionit, znj. Arbërie Nagavci, I nderuari President i Regjistrit Evropian për Sigurimin e Cilësisë në [...]
Agjencia e Kosovës për Akreditim mbajti konferencën e parë ndërkombëtare
Agjencia e Kosovës për Akreditim (AKA) ka mbajtur më 26.09.2023 Konferencën e parë ndërkombëtare për sigurimin e cilësisë në arsimin e lartë, në të cilën kanë marrë pjesë krerët e institucioneve shtetërore, përfaqësues nga institucionet [...]
Konferenca për Arsimin e Lartë: Ndikimi i mekanizmave të sigurisë të cilësisë për krijimin e një kulture të cilësisë
Agjencia e Kosovës për Akreditim organizon konferencën e saj të parë ndërkombëtare mbi arsimin e lartë, e cila do të mbahet në Prishtinë më 26 shtator 2023. Konferenca, e cila synon të bëjë bashkë [...]
KShC është dakorduar për draftet finale të standardeve për akreditim të IAL-ve dhe programeve bachelor dhe master dhe i dërgoi në debat publik
Këshilli Shtetëror i Cilësisë (KShC) i Agjencisë së Kosovës për Akreditim (AKA) në vazhdimin e mbledhjes së 115-të me radhë, i ka miratuar raportet e mbetura të ekspertëve ndërkombëtarë të akreditimit, si dhe është dakorduar [...]
Këshilli Shtetëror i Cilësisë mbajti mbledhjen e 115-të me radhë
Këshilli Shtetëror i Cilësisë (KShC) i Agjencisë së Kosovës për Akreditim (AKA) e mbajti më 25.08.2023 mbledhjen e 115-të me radhë, në të cilën janë shqyrtuar disa pika të rendit të ditës dhe janë marrë [...]