Uncategorized

Agjencia e Akreditimit e Kosovës (AAK) aktualisht është duke iu nënshtruar një procesi të rishikimit për njohje nga Këshilli për Akreditim në Arsimin e Lartë (Council for Higher Education Accreditation – CHEA) të Shteteve të Bashkuara të Amerikës. Në kuadër të këtij procesi, CHEA fton institucionet, organizatat dhe anëtarët e publikut që të paraqesin komente nga palë të treta lidhur me praktikat akredituese dhe përshtatshmërinë për njohje të AAK-së. Komentet nga palë të treta duhet të dorëzohen drejtpërdrejt në CHEA, në përputhje me Standardet dhe Procedurat e CHEA-së për Njohje, dhe duhet të trajtojnë mënyrën se si AAK i përmbush standardet [...]

Agjencia e Kosovës për Akreditim (AKA) ka miratuar Planin e zhvillimit profesional për stafin, në një punëtori të organizuar me fokus në forcimin e kapaciteteve profesionale, teknike dhe organizative për periudhën trevjeçare 2026–2028. Ky plan strategjik synon rritjen e cilësisë së punës së stafit përmes zhvillimit të kompetencave profesionale, përdorimit të avancuar të platformave digjitale të AKA-së, fuqizimit të komunikimit profesional me institucionet e arsimit të lartë (IAL) si dhe harmonizimit të punës me standardet evropiane të sigurimit të cilësisë (ESG 2015). Plani parasheh një sërë aktivitetesh, përfshirë punëtori të brendshme, trajnime profesionale, pjesëmarrje në konferenca dhe vizita studimore ndërkombëtare, trajnime [...]

Agjencia e Kosovës për Akreditim, më 12 dhjetor 2025, mbajti takimin informues lidhur me Procedurat Pas-Akredituese (PPA) dhe gjetjet nga planet e zbatimit të rekomandimeve (PZR). Në këtë takim morën pjesë rreth 150 përfaqësues të institucioneve të arsimit të lartë, përfshirë koordinatorë të cilësisë në nivel institucional, bartës dhe udhëheqës të programeve studimore, si dhe përfaqësues të tjerë të përfshirë drejtpërdrejt në proceset e akreditimit dhe pas-akreditimit. Gjatë takimit, përfaqësuesit e Agjencisë prezantuan metodologjinë dhe afatet e Procedurave Pas-Akredituese, analizën e të dhënave të nxjerra nga Planet e Zbatimit të Rekomandimeve të dorëzuara nga institucionet, si dhe ofruan udhëzime praktike për [...]

Pas marrjes së aprovimit nga Agjencia për Informim dhe Privatësi (AIP), më 10.12.2025, Agjencia e Kosovës për Akreditim (AKA) ka publikuar Politikat e Privatësisë sipas të cilave përpunohen dhe mbrohen të dhënat personale të individëve dhe institucioneve që bashkëpunojnë me AKA-në. Politikat e privatësisë përfshijnë mënyrën e mbledhjes, përdorimit, ruajtjes dhe mbrojtjes së të dhënave personale, duke siguruar që proceset e akreditimit dhe pasakreditimit, si dhe aktivitetet e tjera të AKA-së, janë në përputhje me kërkesat e Ligjit për Mbrojtjen e të Dhënave Personale dhe standardet e Bashkimit Evropian për mbrojtjen e të dhënave. Kjo politikë ka si qëllim të ofrojë [...]

Agjencia e Kosovës për Akreditim (AKA) ka nisur procesin e akreditimit në nivel institucional, në përputhje me Standardet e Akreditimit të Institucioneve të Arsimit të Lartë dhe praktikat më të mira evropiane të sigurimit të cilësisë. Në këtë fazë, tre ekipe të ekspertëve ndërkombëtarë janë angazhuar për të vlerësuar institucionet në bazë të 11 fushave të standardizuara që përfshijnë misionin, qeverisjen, planifikimin strategjik, menaxhimin financiar, integritetin akademik, kërkimin shkencor, personelin akademik, shërbimet studentore dhe burimet mësimore. Ekspertët e përzgjedhur janë profesionistë eminentë me përvojë të gjerë në proceset e vlerësimit institucional dhe në zbatimin e standardeve të Zonës Evropiane të Arsimit [...]

Agjencia e Kosovës për Akreditim (AKA), nëpërmjet Divizionit të Monitorimit, ka përmbyllur me sukses fazën e parë të informimit rreth procedurave të monitorimit në institucionet e arsimit të lartë në përputhje me Rregulloren e re për monitorim dhe procedurat pasakredituese, të miratuara nga AKA në vitin 2025. Qëllimi i vizitave ishte që IAL-të, të njihen më afër me procesin e monitorimit që do të realizohet gjatë vitit akademik 2025/2026. Vizitat u pritën mirë nga menaxhmentet e institucioneve, koordinatorët për zhvillim akademik dhe përfaqësuesit e studentëve duke reflektuar bashkëpunim dhe përkushtim ndaj garantimit të cilësisë. Për të rritur ndërgjegjësimin e studentëve mbi [...]

Këshilli Shtetëror i Cilësisë (KSHC) i Agjencia e Kosovës për Akreditim (AKA), në mbledhjen e mbajtur më 1 dhjetor 2025, miratoi Strategjinë e Agjencisë së Kosovës për Akreditim për periudhën 2026–2030. Dokumenti strategjik përcakton drejtimin e zhvillimit të sistemit të sigurimit të jashtëm të cilësisë në pesë vitet e ardhshme në Republikën e Kosovës, duke reflektuar qartë standardet evropiane, kontekstin e arsimit të lartë në Kosovë dhe vizionin për forcimin e mëtejshëm të besueshmërisë së akreditimit. Strategjia është e ndërtuar mbi parimet e integritetit, transparencës, profesionalizmit dhe pavarësisë institucionale, të cilat mbeten bazë për gjithë veprimtarinë e AKA-së dhe KSHC-së. Strategjia [...]

Një delegacion i Agjencisë së Kosovës për Akreditim (AKA) ka marrë pjesë në Zagreb, në shënimin e 20-vjetorit të themelimit të Agjencisë për Shkencë dhe Arsim të Lartë të Kroacisë (ASHE). Delegacioni i AKA-së përbëhej nga Kryetarja e Këshillit Shtetëror të Cilësisë (KSHC), prof. Hasnije Ilazi; Drejtori i Përgjithshëm i AKA-së, z. Naim Gashi; Udhëheqësja e Divizionit për Buxhet dhe Financa, znj. Merita Rama; dhe zyrtari i lartë për monitorim, z. Betim Sherifi. Përfaqësuesit e AKA-së u pritën në një takim të veçantë nga drejtoresha e ASHE, znj. Danijela Horvatek Tomić, ku u diskutua për thellimin e bashkëpunimit ndërinstitucional, shkëmbimin e [...]

Dy përfaqësues të Agjencisë së Kosovës për Akreditim (AKA), Arianit Krasniqi, Drejtor i Departamentit për Vlerësim dhe Akreditim, dhe Ilirjane Ademaj-Ahmeti, Zyrtare e Lartë për Vlerësim dhe Akreditim, morën pjesë në Forumin Evropian për Sigurimin e Cilësisë 2025 (EQAF), të mbajtur më 12–14 nëntor 2025 në Universitetin Corvinus të Budapestit, Hungari. Forumi, i organizuar nga ENQA, EUA, ESU dhe EURASHE, është ngjarja më e madhe vjetore kushtuar sigurimit të cilësisë në arsimin e lartë në Evropë. Pjesëmarrja në EQAF 2025 ishte një mundësi e shkëqyeshme për AKA-në që të forcojë tutje bashkëpunimin profesional me institucionet evropiane të sigurimit të cilësisë, institucione [...]

Komisioni Evropian, në Raportin për Kosovën të vitit 2025, e ka vlerësuar Agjencinë e Kosovës për Akreditim (AKA) për ekselencën evropiane në sigurimin e cilësisë në arsimin e lartë në Kosovë. “Në korrik 2025, Agjencia e Kosovës për Akreditim u bë anëtare e Regjistrit Evropian për Sigurimin e Cilësisë në Arsimin e Lartë (EQAR), duke dëshmuar se proceset e sigurimit të cilësisë së Agjencisë janë plotësisht në përputhje me standardet dhe udhëzimet evropiane,” thuhet në Raportin e Komisionit Evropian për Kosovën. Ky vlerësim përbën një arritje të madhe jo vetëm për AKA-në, por edhe për sistemin e arsimit të lartë në [...]