Uncategorized

Agjencia e Kosovës për Akreditim (AKA) është shpallur fituese në dy projekte të reja të financuara në kuadër të programit Erasmus+ Capacity Building in Higher Education (CBHE), të cilat janë përzgjedhur për financim nga Komisioni Evropian. Projektet Mikrokredencialet e Kosovës për inovacion në arsimin e lartë në fushën e teknologjisë së informacionit dhe komunikimit (KOSMIC) dhe Forcimi i qeverisjes dhe kapaciteteve profesionale për sigurimin e cilësisë në arsimin e lartë (GOV-QA) synojnë të kontribuojnë në avancimin e arsimit të lartë në Kosovë përmes zhvillimit të mikrokredencialeve, forcimit të qeverisjes institucionale dhe përmirësimit të sistemeve të sigurimit të cilësisë, në përputhje me [...]

Drejtori i Përgjithshëm i Agjencisë së Kosovës për Akreditim (AKA), Naim Gashi, i shoqëruar nga Udhëheqësja e Divizionit për Buxhet, Merita Rama dhe zyrtarja certifikuese Edona Rama, kanë pritur në takim Drejtorin e Buxhetit në Ministrinë e Financave, Salvador Elmazi, si dhe zyrtaren e lartë për buxhet, Mevlide Shamolli. Gjatë takimit, drejtuesit e AKA-së shprehën mirënjohjen për mbështetjen e vazhdueshme që Departamenti i Buxhetit në Ministrinë e Financave i ka ofruar Agjencisë në procesin e planifikimit, financimit dhe menaxhimit të buxhetit. Drejtori i Përgjithshëm, Naim Gashi, falënderoi Ministrinë e Financave për bashkëpunimin dhe përkrahjen e vazhdueshme buxhetore, duke theksuar se kjo [...]

Drejtori i Përgjithshëm i Agjencisë së Kosovës për Akreditim (AKA), Naim Gashi, dhe drejtori i Departamentit për Arsimin e Lartë në Ministrinë e Arsimit dhe Shkencës, Bardhyl Kabashaj, me rastin e përfundimit të misionit të saj në Kosovë, i kanë ndarë mirënjohje ekspertes amerikane dhe studiueses së Programit Fulbright, Dr. Audrey Peek. Mirënjohja iu nda Dr. Peek për kontributin e saj profesional në zhvillimin dhe avancimin e sistemit të arsimit të lartë në Republikën e Kosovës, si dhe për mbështetjen e ofruar institucioneve përgjegjëse për sigurimin e cilësisë. Gjatë angazhimit të saj në Kosovë, ekspertja Peek ka bashkëpunuar me Agjencinë e [...]

Agjencia e Kosovës për Akreditim (AKA) ka publikuar listën zyrtare të programeve të studimit të akredituara për vitin akademik 2026/2027, duke u ofruar maturantëve, studentëve dhe publikut një pasqyrë të qartë mbi programet që plotësojnë standardet e kërkuara të cilësisë në arsimin e lartë. Lista përfshin programet e institucioneve publike dhe private të arsimit të lartë që kanë kaluar me sukses procesin e akreditimit institucional dhe programor, në përputhje me standardet kombëtare dhe ndërkombëtare për sigurimin e cilësisë. Programet e akredituara shtrihen në fusha të ndryshme studimi, përfshirë shkencat shoqërore, inxhinierinë dhe teknologjinë, shkencat natyrore, shkencat shëndetësore, biznesin dhe ekonominë, edukimin, [...]

Këshilli Shtetëror i Cilësisë (KSHC) i Agjencisë së Kosovës për Akreditim (AKA) mbajti mbledhjen e rregullt të 152-të, në të cilën u shqyrtuan disa pika të rendit të ditës. Gjatë kësaj mbledhjeje, anëtarët e Këshillit shqyrtuan çështje që ndërlidhen me proceset e akreditimit, monitorimit dhe zbatimit të rekomandimeve të ekspertëve ndërkombëtarë të akreditimit. Në mbledhje, Këshilli shqyrtoi kërkesa të paraqitura nga institucione të arsimit të lartë, raporte monitorimi dhe raporte të procedurave pasakredituese. Po ashtu, pjesë e rendit të ditës ishin edhe ankesat e paraqitura në kuadër të procedurave përkatëse. Këshilli diskutoi edhe për përgatitjet lidhur me Konferencën Vjetore të Agjencisë [...]

Më 25 qershor 2026, Divizioni për Vlerësim dhe Akreditim i Agjencisë së Kosovës për Akreditim organizoi një takim informues me përfaqësuesit dhe koordinatorët e institucioneve të arsimit të lartë në Republikën e Kosovës, në kuadër të përgatitjeve për procesin e akreditimit 2027/2028. Takimi u udhëhoq nga z. Arianit Krasniqi, Drejtor i Departamentit për Vlerësim dhe Akreditim, i cili prezantoi procedurat e aplikimit për akreditim dhe riakreditim institucional, si dhe për akreditim dhe riakreditim të programeve të studimit. Gjatë prezantimit, pjesëmarrësit u informuan mbi mënyrën e aplikimit përmes platformës elektronike e-Akreditimi, dokumentacionin që duhet të dorëzohet, si dhe hapat që duhet të ndiqen [...]

Stafi i Agjencisë së Kosovës për Akreditim (AKA) organizoi një ceremoni falënderimi për profesoreshën Hasnije Ilazi, me rastin e përfundimit të mandatit të saj pesëvjeçar si kryetare e Këshillit Shtetëror të Cilësisë (KSHC). Në shenjë mirënjohjeje për kontributin e saj të jashtëzakonshëm në udhëheqjen dhe avancimin e sistemit të sigurimit të cilësisë në arsimin e lartë, KSHC-ja dhe AKA-ja e kanë zgjedhur prof. Ilazin Presidente Nderi. Gjatë mandatit të prof. Ilazit në krye të KSHC-së, Agjencia e Kosovës për Akreditim shënoi arritje të rëndësishme në fuqizimin e sistemit të sigurimit të cilësisë në arsimin e lartë. Këto rezultate kulmuan me regjistrimin [...]

Agjencia e Kosovës për Akreditim (AKA), më 22 qershor 2026, mirëpriti në një takim palët e interesit, duke mbledhur përfaqësues të Aleancës Universitare Evropiane EUDRES, Ministrisë së Arsimit dhe Shkencës, Universitetit të Shkencave të Aplikuara në Ferizaj (UShAF), si dhe institucioneve të arsimit të lartë të Kosovës dhe rajonit. Takimi u përqendrua në rolin e universiteteve të shkencave të aplikuara në Hapësirën Evropiane të Arsimit të Lartë, ndërkombëtarizimin, sigurimin e cilësisë, bashkëpunimin me industrinë dhe mundësitë për përfshirje në aleancat universitare evropiane. Pjesëmarrësit diskutuan zhvillimet aktuale në arsimin e lartë dhe mundësitë për forcimin e bashkëpunimit ndërmjet institucioneve të Kosovës dhe [...]

Këshilli Shtetëror i Cilësisë (KShC) i Agjencisë së Kosovës për Akreditim (AKA) mbajti mbledhjen e radhës, në të cilën u shqyrtuan pika të rëndësishme që lidhen me proceset e akreditimit, riakreditimit, monitorimit dhe trajtimit të kërkesave të institucioneve të arsimit të lartë. Në fillim të mbledhjes, KShC zhvilloi një seancë dëgjimore me një institucion të arsimit të lartë, ndërsa një pjesë e rëndësishme e mbledhjes iu kushtua shqyrtimit të raporteve të vlerësimit për akreditim. KShC shqyrtoi 20 raporte të ekspertëve ndërkombëtarë dhe mori vendime përkatëse në përputhje me standardet dhe procedurat e akreditimit. Vendimet e marra do t’u komunikohen institucioneve të [...]

Përfaqësueset e Agjencisë së Kosovës për Akreditim (AKA), Mimoza Dobra, zyrtare e lartë për vlerësim dhe akreditim, dhe Elza Maxhera, zyrtare e lartë për procedura të pasakreditimit, morën pjesë në Punëtorinë e ENQA-s për Komunikim Strategjik në Agjencitë e Sigurimit të Cilësisë, e cila u mbajt më 4 dhe 5 qershor 2026 në Oslo të Norvegjisë dhe u organizua nga NOKUT. Qëllimi i kësaj punëtorie ishte shqyrtimi i qasjeve efektive për komunikim strategjik brenda agjencive të sigurimit të cilësisë, me fokus të veçantë në transparencë, ndërtimin e besimit, reputacionin institucional dhe përgjegjësinë shoqërore. Programi përfshiu prezantime, studime të rasteve nga agjenci [...]