KShC miratoi rishikimin e standardeve të akreditimit për nivelin institucional dhe për programet bachelor dhe master
Këshillit Shtetëror të Cilësisë (KShC) i Agjencisë së Kosovës për Akreditim (AKA), në mbledhjen 116 të mbajtur më 25.09.2023, i ka miratuar Standardet për akreditimin/riakreditimin e institucioneve të arsimit të lartë në nivel institucional dhe të programeve të studimit bachelor dhe master.
Konform Ligjit për AKA-në këto standarde hyjnë në fuqi pas një viti dhe do të vlejnë për të gjitha aplikacionet e reja që paraqiten për akreditim/riakreditim gjatë vitit 2024. Për aplikacionet që paraqiten në AKA nga datat 1 deri më 31 tetor 2023, nuk aplikohen standardet e reja, por procesi i vlerësimit bëhet me standardet ekzistuese.
AKA punon në avancimin e standardeve për sigurimin e cilësisë në arsimin e lartë, në përputhje me standardet evropiane të cilësisë (ESG) si dhe rolin e shtetit dhe shoqërisë në zhvillimin e arsimit të lartë në Republikën e Kosovë.
AKA është kujdesur që në hartimin e standardeve të përfshihen anëtarët vendorë dhe ndërkombëtarë të KShC-së, ekspertë vendorë dhe ndërkombëtarë të fushës së arsimit të lartë, institucionet e arsimit të lartë, përfaqësues të shoqërisë civile, përfaqësuesit e studentëve, përfaqësues të MAShTI-it, donatorë të fushës së arsimit dhe të gjithë akterët tjerë relevantë për arsimin e lartë.
Pas hartimit të draftit final nga grupi punues për hartimin e këtyre standardeve, AKA ka publikuar draftin për diskutim publik.
Pas përfundimit të afatit për diskutim publik, AKA ka adresuar komentet e pranuara dhe të njëjtat janë përcjellë për shqyrtim në Këshillin Shtetëror të Cilësisë. Në mbledhjen e 116-të, pas shqyrtimit të komenteve të parashtruara nga palët e interesuara, KShC aprovoi dokumentin final.
Rishikimi i këtyre standardeve është përkrahur nga Heras plus dhe është financuar nga ADA Austriake.
Në mbledhjen 116, KShC ka shqyrtuar dhe ka marrë vendime edhe për raportet e monitorimit të IAL-ve.
Bazuar në Ligjin e ri për AKA-në, në këtë mbledhje është themeluar edhe Grupi punues për përgatitjen e legjislacionit sekondar, i cili është në kompetencë të AKA-së.
KShC ka shqyrtuar edhe disa aplikacione për përfshirjen në listën e ekspertëve ndërkombëtarë të akreditimit.
Në këtë mbledhje, KShC ka marrë vendime edhe për dy kërkesa dhe një ankesë.
Shkarko: Standards for Bachelor and Master Programmes
Shkarko: Standards for HEIs FIN
Antare e plotë në:
Më Shumë Nga Lajmet e Fundit
AKA dhe THEQC diskutojnë mundësitë e bashkëpunimit
Një delegacion i Agjencisë së Kosovës për Akreditim (AKA) ka marrë pjesë në Konferencën ndërkombëtare të Këshillit të Turqisë për Cilësinë në Arsim e Lartë (THEQC) dhe ka zhvilluar takime me drejtues të agjencive homologe [...]
KShC aprovoi Manualin e ri të akreditimit
Këshilli Shtetëror i Cilësisë (KSHC) i Agjencisë së Kosovës për Akreditim (AKA) në mbledhjen jashtëzakonshme të mbajtur më 29.04.2024, e ka miratuar Rregulloren për Manualin e Akreditimit, i cili është në harmoni me standardet e [...]
KSHC shqyrtoi raportet e ekspertëve ndërkombëtarë të akreditimit
Në mbledhjen e 122-të me radhë, më 22.04.2024, Këshilli Shtetëror i Cilësisë (KShC) i Agjencisë së Kosovës për Akreditim (AKA), ka shqyrtuar dhe ka vendosur lidhur me disa raporte të ekspertëve ndërkombëtarë të akreditimit në [...]
Drejtori i AKA-së prezanton një hulumtim në Forumin e ENQA 2024 në Hanover
Në vigjilje të Asamblesë së Përgjithshme të ENQA, në Forumin 2024, në Hanover të Gjermanisë, në tri panele të njëpasnjëshme, Drejtori i Përgjithshëm i Agjencisë së Kosovës për Akreditim, Naim Gashi, ka prezantuar të gjeturat [...]
AKA publikoi analizën tematike për akreditimin e programeve
Agjencia Kosovës për Akreditim (AKA) në bashkëpunim me profesoreshën amerikane, Christine Austin, ka zhvilluar dokumentin “Analiza tematike e proceseve të përfshira në Akreditimin/Riakreditimin e Programeve të Studimit: Një shqyrtim i tri viteve të proceseve të akreditimit të [...]
Njoftim për diskutim publik për Manualin e Akreditimit
Pas aprovimit nga Këshilli Shtetëror i Cilësisë (KShC), Agjencia e Kosovës për Akreditim (AKA) më 29.03.2024 i ka ftuar të gjithë akterët e arsimit të lartë që të japin komentet e tyre lidhur me draftin [...]