Lajmet e fundit

Published On: 7 Tetor, 2021

KSHC dhe AKA diskutojnë me drejtuesit e UP-së për thellimin e reformave në arsimin e lartë

Këshilli Shtetëror i Cilësisë (KShC) i Agjencisë së Kosovës për Akreditim, ka nisur të enjten një seri të vizitave në institucionet e akredituara të arsimit të lartë në Republikën e Kosovës, me qëllim të bashkëpunimit të ndërsjellë për ngritjen e cilësisë në arsimin e lartë.

Kryetarja e KShC-së, profesoresha Hasnije Ilazi, ka thënë se qëllimi i këtyre vizitave është që të njihemi më për së afërmi me sfidat me të cilat ballafaqohen IAL-të dhe marrja e sugjerimeve për zhvillimin e sistemit të arsimit. Kryetarja Ilazi shtoi se orientimi strategjik i KShC-së është zhvillimi i sistemit të arsimit konform standardeve evropiane të cilësisë, të cilat në fokus kanë përgatitjen e kuadrove të nevojshme për tregun e punës.

Rektori i Universitetit të Prishtinës, Naser Sahiti, ka thënë se çdo vendim që ka për qëllim ngritjen e cilësisë në arsimin e lartë është i mirëseardhur për UP-në.

Në takim është biseduar për zhvillimin e standardeve të reja të cilat kanë për qëllim nxitjen e punës kërkimore dhe shkencore në UP.

Të dy palët u pajtuan për vazhdimin e bashkëpunimit dhe shkëmbimin e ideve dhe përvojave më të mira.

Antare e plotë në:

Më Shumë Nga Lajmet e Fundit

𝐀𝐊𝐀 𝐩𝐮𝐛𝐥𝐢𝐤𝐨𝐧 𝐥𝐢𝐬𝐭ë𝐧 𝐞 𝐩𝐫𝐨𝐠𝐫𝐚𝐦𝐞𝐯𝐞 𝐭ë 𝐚𝐤𝐫𝐞𝐝𝐢𝐭𝐮𝐚𝐫𝐚 𝐩ë𝐫 𝐯𝐢𝐭𝐢𝐧 𝐚𝐤𝐚𝐝𝐞𝐦𝐢𝐤 𝟐𝟎𝟐𝟓/𝟐𝟎𝟐𝟔

8 Korrik, 2025|

Prishtinë, 8 Korrik 2025 – Agjencia e Akreditimit e Kosovës (AKA) ka publikuar sot listën zyrtare të programeve të akredituara për vitin akademik 2025/2026. Ky publikim është pjesë e angazhimit të vazhdueshëm të agjencisë për [...]