Akreditimi

Me propozimin e Ministres së Arsimit, Shkencës, Teknologjisë dhe Inovacionit, Arbërie Nagavci, Qeveria e Republikës së Kosovës, në mbledhjen e mbajtur më 10.12.2021, miratoi Projektligjin për Agjencinë e Kosovës për Akreditim. “Ky Projektligj e rregullon statusin e Agjencisë së Kosovës për Akreditim si agjenci rregullatore në proceset dhe përgjegjësitë e akreditimit, riakreditimit, validimit dhe monitorimit, me qëllim të sigurimit të cilësisë në arsimin e lartë në Republikën e Kosovës. Në hartimin e këtij projektligji janë përfshirë të gjithë akterët relevantë, ekspertë nga MASHTI, Agjencia e Akreditimit, përfaqësues të komunitetit akademik, donatorëve dhe të shoqërisë civile”, ka thënë në mbledhjen e Qeverisë, [...]

Agjencia e Kosovës për Akreditim (AKA) dhe Agjencia homologe Austriake, me mbështetjen e projektit Heras Plus, financuar nga Agjencia Austriake për Zhvillim (ADA) kanë lansuar projektin e binjakëzimit. Ky projekt rrit bashkëpunimin në fushën e arsimit ndërmjet Kosovës dhe Austrisë. Përfituesit kryesorë të këtij projekti do të jenë Agjencia e Akreditimit dhe të gjithë akterët në arsimin e lartë në Kosovë, duke përfshirë universitetet publike dhe kolegjet private, të cilat së bashku kanë mijëra studentë dhe staf mësimdhënës. Përmirësimi i politikave dhe rritja e kapaciteteve të AKA-së ndikon drejtpërdrejt në cilësinë e arsimit të lartë në Kosovë. Përmes implementimit të Standardeve [...]

Agjencia e Kosovës për Akreditim (AKA), me përkrahjen e dy projekteve të Agjencisë për Zhvillim të Austrisë: Projektit Heras Plus dhe QAINT ka prezantuar më 01.12.2021 për diskutim publik Planin Strategjik 2021-2025 dhe Metodologjinë e Monitorimit dhe Procedurat Pas-akredituese. Deri më 14 dhjetor 2021, AKA do të pranojë sugjerimet nga të gjithë akterët e arsimit të lartë në Republikën e Kosovës. Drejtori i AKA-së, Naim Gashi, ka thënë se Plani Strategjik 2021-2025 i AKA-së është dokument bazë i cili do të përcaktojë orientimin dhe drejtimin e proceseve të sigurimit të cilësisë në sektorin e arsimit të lartë për 5 vitet e [...]

Drejtuesit e Agjencisë së Kosovës për Akreditim (AKA) dhe Agjencisë së Sigurimit të Cilësisë në Arsimin e Lartë (ASCAL) në Shqipëri, gjatë një takimi të zhvilluar në Tiranë janë dakorduar që të bashkëpunojnë në fushën e ngritjen e cilësisë në arsimin e lartë ndërmjet dy shtetet. Delegacioni i AKA-së, i përbërë nga Kryetarja e Këshillit Shtetëror të Cilësisë (KShC), profesoresha Hasnije Ilazi; drejtori i AKA-së, Naim Gashi dhe anëtari i KShC-së, profesori Dukagjin Zeka, janë pritur në takim nga drejtoresha e ASCAL-it në Shqipëri, Xhiliola Bixheku dhe Erjon Xhako, Sekretar i Bordit të Akreditimit. Përfaqësuesit e dy shteteve kanë identifikuar fushat përkatëse [...]

Me përkrahjen nga Ambasada e Shteteve të Bashkuara të Amerikës në Prishtinë – Projekti Fulbright, në Agjencinë e Kosovës për Akreditim (AKA), të enjten, më 25.11.2021, është finalizuar dhe publikuar projekti zbatues i studimit të fizibilitetit për digjitalizimin e përgjithshëm të proceseve në Agjencinë e Kosovës për Akreditim. Nëpërmes një takimi online, u prezantua dokumenti final i udhëhequr nga ekspertja amerikane dr. Trenia Walker, anëtarja e Këshillit Shtetëror të Cilësisë (KShC), profesoresha Krenare Pireva Nuçi dhe zyrtari i AKA-së, z. Flamur Abazaj. Përmes këtij projekti do të kontribuohet në digjitalizimin dhe automatizimin e të gjitha proceseve në AKA, si dhe [...]

Këshillit Shtetëror i Cilësisë (KShC) i Agjencisë së Kosovës për Akreditim (AKA) mbajti të martën, më 23.11. 2021 mbledhjen e radhës në të cilën miratoi Planin e Aktiviteteve për vitin 2022. Në Planin e aktiviteteve të KShC-së, përveç obligimeve ligjore për procesin e akreditimit u vendosën edhe aktivitetet që kanë të bëjnë me kthimin e AKA-së në Asociacionin Evropian të Sigurimit të Cilësisë në Arsimin e Lartë (ENQA), dhe regjistrimin në Regjistrin Evropian për Sigurimin e Cilësisë në Arsimin e Lartë (EQAR). Në mbledhjen e sotme janë shqyrtuar kërkesat dhe ankesat e institucioneve të arsimit të lartë. Mbledhja e radhës së [...]

Kryetarja e Këshillit Shtetëror të Cilësisë (KShC), profesoresha Hasnije Ilazi, së bashku me anëtarin e KShC-së, profesorin Dukagjin Zeka, në vazhdën e vizitave në institucionet e arsimit të lartë, më 25.11.2021 kanë vizituar Kolegjin ISPE. Kryetarja Ilazi ka thënë se KShC është në proces të rishikimit të politikave me qëllim të ngritjes së cilësisë në arsimin e lartë. Në takim Kryetarja foli për procesin e rishikimi të standardeve, procesin e hartimit të metodologjisë së monitorimit dhe rishikimit të rregulloreve me të cilat funksionon Agjencia e Akreditimit. Përfaqësuesit e Kolegjit ISPE e kanë mirëpritur iniciativën e KShC-së, për tu takuar me të [...]

Prof.asoc.Dr. Arta Basha-Jakupi, ish anëtare e Këshillit Shtetëror të Cilësisë (KShC) (2018-2021) aktualisht është angazhuar në cilësinë e ekspertes ndërkombëtare në dy prej agjencive evropiane të akreditimit, atë të Letonisë dhe Rumanisë. Prof. Basha-Jakupi është përzgjedhur për të bërë vlerësimin e programeve në fushën e arkitekturës dhe studimeve urbane, në programet e studimit të nivelit Master dhe atë të Doktoraturës. Angazhimi i profesoreshës Basha-Jakupi, dëshmon se përvoja e fituar në Agjencinë e Akreditimit të Kosovës është e njohur ndërkombëtarisht dhe e vlerësuar nga agjenci të shumta të Evropës, dhe është një fakt shtesë se AKA është rrugës së duhur të zhvillimit [...]

Avokati i Përgjithshëm Shtetëror, Sami Istrefi gjatë një pritje që i bëri drejtorit të Agjencisë së Kosovës për Akreditim (AKA), Naim Gashi, ka konstatuar se AKA po respekton plotësisht kornizën ligjore në Republikën e Kosovës dhe nuk rrezikohet nga asnjë kontest gjyqësor. Avokati Istrefi e ka vlerësuar lartë bashkëpunimin e Avokaturës Shtetërore me Agjencinë e Akreditimit për të siguruar mbrojtje juridike në zbatimin e legjislacionit në fuqi. Istrefi dhe Gashi janë dakorduar që Avokatura Shtetërore do të përkrahë plotësisht Agjencinë e Akreditimit, jo vetëm për mbrojtjen juridike nëpër gjykata, por edhe për përpilimin e akteve juridike, në mënyrë që ato të [...]

Me ftesë të agjencisë homologe amerikane - Asociacionit për Teknologji, Menaxhment dhe Inxhinieri Aplikative (ATMAE), e cila bën akreditimin e të gjitha programeve akademike në fushën e teknologjisë dhe inxhinierisë në ShBA, delegacioni i Agjencisë së Kosovës për Akreditim (AKA) dhe MASHTI-it (Qendra NARIC), qëndruan për një javë në Orlando të Floridas në SHBA. Gjatë takimeve me homologët amerikanë, ATMAE ka shprehur gatishmërinë për të përkrahur AKA-në me ekspertë eminentë për të nxitur zhvillimin e programeve akademike në fushën e teknologjisë dhe inxhinierisë në Kosovë. Drejtuesit e ATMAE kanë shprehur gatishmërinë që stafi i AKA-së të përfshihet, në cilësinë e ekspertëve [...]