Akreditimi

Kryetari i Këshillit Shtetëror të Cilësisë (KShC), Gazmend Luboteni dhe drejtori i Agjencisë së Kosovës për Akreditim, Naim Gashi, kanë pritur në takim z. Agim Rushiti, drejtor i Agjencisë për Cilësi në Arsimin e Lartë në Maqedoninë e Veriut dhe profesorin Mirvan Xhemajli. Gjatë takimit është biseduar për nxitjen e bashkëpunimit ndërshtetëror dhe shkëmbimin e përvojave në forcimin e kapaciteteve institucionale për ngritjen e cilësisë në arsimin e lartë.

Partneri implementues i projektit, Kosovo Unitet State Alumni (KUSA) i angazhuar nga Ambasada e SHBA-së në Prishtinë, ka nënshkruar më 21.09.2020 kontratat me Agjencinë e Kosovës për Akreditim  (AKA) dhe partnerin implementues WUS Kosova, për financimin e dy projekteve, në vlerë prej 65 mijë dollarë, të cilat kanë për qëllim forcimin e kapaciteteve institucionale dhe teknike të Agjencisë së Akreditimit dhe plotësimin e kritereve kryesore për kthimin e anëtarësimit të Kosovës në Asociacionin Evropian të Sigurimit të Cilësisë në Arsimin e Lartë (ENQA). Me këtë rast, drejtori i AKA-së, Naim Gashi, ka thënë se “me këtë projekt të financuar nga Ambasada [...]