Delegacioni nga Agjencia e Kosovës për Akreditim viziton Gjermaninë
Një delegacion i Agjencisë së Kosovës për Akreditim (AKA), në krye me Profesoreshën Hasnije Ilazi, Kryetare e Bordit të AKA-së dhe Naim Gashi, Drejtori i Përgjithshëm i AKA-së, kanë zhvilluar një vizitë të rëndësishme në Bon dhe Koln të Gjermanisë. Qëllimi i kësaj vizite ishte përshpejtimi i procesit të anëtarësimit të AKA-së në ENQA dhe regjistrimit në EQAR, nxitja e shkëmbimit të përvojave, dhe forcimi i bashkëpunimit mes dy vendeve në fushën e akreditimit dhe cilësisë në arsimin e lartë.
Gjatë vizitës, Kryetarja Ilazi theksoi rolin e AKA-s në ndërkombëtarizimin e sistemit të arsimit të lartë në Kosovë. Ajo ka diskutuar arritjet e AKA-s në plotësimin e rekomandimeve të caktuara nga Asociacioni Evropian i Sigurimit të Cilësisë në Arsimin e Lartë (ENQA). Kryetarja Ilazi gjithashtu prezantoi perspektivat dhe planet e ardhshme të agjencisë dhe ka përshkruar një rrugëtim vizionar për përmirësimin e arsimit të lartë në Kosovë.
Delegacioni nga Kosova është pritur nga Doris Herrmann, Drejtore Ekzekutive e Agjencisë për Sigurinë e Cilësisë nëpërmes Akreditimit të Programeve të Studimit (AQAS) dhe njëherësh anëtare e Bordit të ENQA.
Në këtë takim është kërkuar përkrahje nga AQAS dhe drejtoresha Herrmann për përshpejtimin e procesit të anëtarësimit të AKA-së në ENQA dhe EQAR.
Drejtoresha Herrmann ka ofruar përkrahjen e plotë të AQAS, si agjencia më e madhe e akreditimit në Gjermani, për rrugën e AKA-së drejt zbatimit të ESG standardeve dhe kthimit në mekanizmat e sigurimit të cilësisë në Evropë.
Gjithashtu, në takim është diskutuar niveli i cilësisë në arsimin e lartë në gjithë rajonin, në mënyrë që kriteret e cilësisë të mos frenojnë zbatimin e ESG standardeve.
Delegacioni nga Kosova është takuar edhe me Katrin Mayer-Lantermann, Kryetare e Çështjeve Ligjore dhe Ndërkombëtare në Këshillin Gjerman të Akreditimit. Ajo ka ofruar një pasqyrë të përvojave dhe praktikave më të mira gjermane në përmirësimin e cilësisë së arsimit të lartë.
Naim Gashi, Drejtori i Përgjithshëm i AKA-s, ka dhënë një pasqyrë të gjerë të bashkëpunimit të çmuar ndërmjet AKA-s dhe homologëve gjermanë dhe evropianë në fushën e akreditimit. Drejtori Gashi ka nënvizuar rezultatet e dukshme të këtij bashkëpunimi, theksuar rolin në avancimin e cilësisë së arsimit të lartë në Kosovë. Ky bashkëpunim frytdhënës me agjencitë homologe ka mundësuar një transferim njohurie që ka ndihmuar shumë në përmirësimin e vazhdueshëm të peizazhit të arsimit të lartë në vend.
Vizita e delegacionit të Kosovës ka nxitur një shkëmbim dinamik të njohurive dhe ekspertizës që premton të ngritë cilësinë e arsimit të lartë në Kosovë. Ky ndërveprim pozitiv ka hapur rrugën për një partneritet më të fortë dhe krijimin e një vizioni të përbashkët për të ardhmen e arsimit të lartë.

Antare e plotë në:
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
Fillon procesi i vlerësimit për akreditim për vitin akademik 2027/2028
Agjencia e Kosovës për Akreditim (AKA) ka filluar procesin e vlerësimit për akreditim për vitin akademik 2027/2028. Vlerësimi i parë për këtë vit akademik është realizuar në Universitetin e Prishtinës, nga ekspertë ndërkombëtarë, për programin [...]
AKA dhe MASh diskutojnë për rolin e Agjencisë në Strategjinë e Arsimit 2035+
Në kuadër të procesit të hartimit të Strategjisë së re të Arsimit në Republikën e Kosovës 2035+, Ministri i Arsimit dhe Shkencës, Hajrullah Çeku, së bashku me Sekretarin e Përgjithshëm të Ministrisë, Naim Gashi, vizituan [...]
KShC/AKA raportojnë para Komisionit për Arsim dhe Shkencë të Kuvendit të Republikës së Kosovës
Më 9 nëntor 2026, Këshilli Shtetëror i Cilësisë (KShC) dhe Agjencia e Kosovës për Akreditim (AKA) raportuan para Komisionit për Arsim dhe Shkencë të Kuvendit të Republikës së Kosovës, ku u shqyrtuan raportet vjetore të [...]
AKA organizon punëtori për avancimin e dokumenteve dhe proceseve institucionale
Agjencia e Kosovës për Akreditim (AKA), gjatë periudhës 28–31 tetor 2026, organizoi një punëtori me qëllim të shqyrtimit, plotësimit dhe finalizimit të dokumenteve të rëndësishme për funksionimin dhe avancimin e proceseve institucionale të Agjencisë. Gjatë [...]
Këshilli Shtetëror i Cilësisë (KShC) mbajti mbledhjen e 155-të
Më 26 tetor 2026, Këshilli Shtetëror i Cilësisë (KShC) i Agjencisë së Kosovës për Akreditim (AKA) mbajti mbledhjen e tij të 155-të të rregullt. Gjatë mbledhjes u shqyrtuan çështje të rëndësishme që lidhen me proceset [...]
AKA merr pjesë në Asamblenë e Përgjithshme të ENQA 2026 në Las Palmas de Gran Canaria, Spanjë
Prof. Avni Berisha, President i Këshillit Shtetëror të Cilësisë (KShC), dhe Arianit Krasniqi, Drejtor i Përgjithshëm i Agjencisë së Kosovës për Akreditim (AKA), morën pjesë në Asamblenë e Përgjithshme të Asociacionit Evropian për Sigurimin e [...]





