Konferenca e AKA-së prezantohet nga ENQA dhe agjenci të njohura në Evropë
Konferenca ndërkombëtare e Agjencisë së Kosovës për Akreditim (AKA), e mbajtur në Prishtinë më 26.09.2023 është prezantuar në profilin zyrtar të Asociacionit Evropian për Sigurimin e Cilësisë në Arsimin e Lartë (ENQA) në Linkedln.
“ENQA: Asociacioni Evropian për Sigurimin e Cilësisë në Arsimin e Lartë ka qenë pjesë e konferencës së vitit 2023 mbi arsimin e lartë në Kosovë, në Prishtinë, për të diskutuar ndikimin e mekanizmave të sigurisë së cilësisë në vendosjen e një kulture të cilësisë. Këtë mëngjes, Zëvendëspresidentja jonë Cristina Ghitulica u bashkua me panelin që trajtonte rëndësinë e strukturave dhe nismave ndërkombëtare të sigurisë së cilësisë për cilësinë e arsimit të lartë, duke sqaruar se si ENQA mbështet zhvillimin e mëtejshëm të anëtarëve dhe partnerëve të saj, siç është Agjencia e Kosovës për Akreditim”, thuhet në publikimin e ENQA, në profilin zyrtar në Linkedln.
Konferenca ndërkombëtare e AKA-së është prezantuar edhe nga Agjencia e Akreditimit e Rumanisë (ARACIS) prej nga vjen edhe Zëvendëspresidentja e ENQA, profesoresha Cristina Ghitulica.
Në publikimin e ARACIS thuhet se AKA ka organizuar në Prishtinë Konferencën ndërkombëtare për sigurimin e cilësisë në arsimin e lartë.
“Prof. Cristina Ghitulica, Drejtoreshë e Përgjithshme e ARACIS, mori pjesë si Zëvendëspresidente e Asociacionit Evropian për Sigurimin e Cilësisë në Arsimin e Lartë (ENQA), për të diskutuar kontributin e saj në zhvillimin e sistemit të sigurisë së cilësisë në Evropë dhe përtej saj. Në këtë kontekst, Zëvendëspresidentja e ENQA u bashkua me panelin e parë mbi rëndësinë e strukturave dhe nismave ndërkombëtare të sigurisë së cilësisë për arsimin e lartë”, thuhet në publikimin e ARACIS.
“Konferenca u përqendrua në ndikimin që mekanizmat e ndryshëm evropianë për sigurinë e cilësisë në arsimin e lartë kanë në agjencitë kombëtare dhe, rrjedhimisht, në institucionet e arsimit të lartë. Prandaj, temat e trajtuara përfshinin çështje aktuale si siguria e cilësisë ndërkufitare, nevoja për një sistem global të bashkuar, rëndësia e Standardeve dhe Udhëzimeve për Sigurinë e Cilësisë në Zonën Evropiane të Arsimit të Lartë (EHEA), pikëpamjet e palëve të interesuara, përfshirja e studentëve, mënyra se si punëdhënësit mund të kontribuojnë në sigurinë e cilësisë, etj’, thuhet në publikimin e ARACIS.
Konferencën e AKA-së e ka prezantuar në profilin e tij zyrtar edhe zëvendësdrejtori i Agjencisë së njohur gjermane AQAS, Ronny Heintze.
Ai ka shkruar në profilin e tij në Linkedln për rëndësinë e Konferencës ndërkombëtare të AKA-së, i ka përmendur pjesëmarrësit, rëndësinë e temave të diskutuara dhe e ka falënderuar Kryetaren e Bordit të AKA-së, profesoreshën Hasnije Ilazi dhe Drejtorin e Përgjithshëm Naim Gashi për organizimin e konferencës.


Antare e plotë në:
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
Fillon procesi i vlerësimit për akreditim për vitin akademik 2027/2028
Agjencia e Kosovës për Akreditim (AKA) ka filluar procesin e vlerësimit për akreditim për vitin akademik 2027/2028. Vlerësimi i parë për këtë vit akademik është realizuar në Universitetin e Prishtinës, nga ekspertë ndërkombëtarë, për programin [...]
AKA dhe MASh diskutojnë për rolin e Agjencisë në Strategjinë e Arsimit 2035+
Në kuadër të procesit të hartimit të Strategjisë së re të Arsimit në Republikën e Kosovës 2035+, Ministri i Arsimit dhe Shkencës, Hajrullah Çeku, së bashku me Sekretarin e Përgjithshëm të Ministrisë, Naim Gashi, vizituan [...]
KShC/AKA raportojnë para Komisionit për Arsim dhe Shkencë të Kuvendit të Republikës së Kosovës
Më 9 nëntor 2026, Këshilli Shtetëror i Cilësisë (KShC) dhe Agjencia e Kosovës për Akreditim (AKA) raportuan para Komisionit për Arsim dhe Shkencë të Kuvendit të Republikës së Kosovës, ku u shqyrtuan raportet vjetore të [...]
AKA organizon punëtori për avancimin e dokumenteve dhe proceseve institucionale
Agjencia e Kosovës për Akreditim (AKA), gjatë periudhës 28–31 tetor 2026, organizoi një punëtori me qëllim të shqyrtimit, plotësimit dhe finalizimit të dokumenteve të rëndësishme për funksionimin dhe avancimin e proceseve institucionale të Agjencisë. Gjatë [...]
Këshilli Shtetëror i Cilësisë (KShC) mbajti mbledhjen e 155-të
Më 26 tetor 2026, Këshilli Shtetëror i Cilësisë (KShC) i Agjencisë së Kosovës për Akreditim (AKA) mbajti mbledhjen e tij të 155-të të rregullt. Gjatë mbledhjes u shqyrtuan çështje të rëndësishme që lidhen me proceset [...]
AKA merr pjesë në Asamblenë e Përgjithshme të ENQA 2026 në Las Palmas de Gran Canaria, Spanjë
Prof. Avni Berisha, President i Këshillit Shtetëror të Cilësisë (KShC), dhe Arianit Krasniqi, Drejtor i Përgjithshëm i Agjencisë së Kosovës për Akreditim (AKA), morën pjesë në Asamblenë e Përgjithshme të Asociacionit Evropian për Sigurimin e [...]





